ప్రపంచంతో నాకు సంబంధం లేదు.. నేను చేసేది నేను చేసుకుంటూ పోతా అనుకునే వ్యక్తి ఆర్జివి. ఓ పక్క కరోనా విళయతాండవం చేయడం వల్ల సినిమా వాళ్లంతా ఇంట్లోనే కూర్చుకునేలా పరిస్థితులు ఏర్పడ్డాయి. అందరిది ఒకదారైతే తనది మరోదారి అన్నట్టుగా ఎవరు తీయని టైం లో వరుస సినిమాలు చేసి అందరికి షాక్ ఇస్తున్నాడు వర్మ. ఆయన సినిమా తీయడానికి కోట్ల కొద్ది బడ్జెట్టు, భారీ స్టార్ కాస్ట్, పెద్ద సెట్లు ఇవేవి అవసరం లేదు. జస్ట్ ఒకరిద్దరు పాత్రలతో సినిమా తీస్తాడు. ఏంటి సినిమాను ఇలా కూడా తీయొచ్చా అనుకునేలా చేస్తాడు.
అయితే ఆ సినిమాల్లో మ్యాటర్ పెద్దగా ఉండదు అది వేరే విషయం. ఇప్పటికే క్లైమాక్స్, నగ్నం సినిమాలు తీసిన వర్మ లేటెస్ట్ గా పవర్ స్టార్, థ్రిల్లర్ సినిమాలు చేస్తున్నాడు. థ్రిల్లర్ సినిమా రొమాంటిక్ యాంగిల్ లో తెరకెక్కుతుందని తెలుస్తుంది. ఇక పవర్ స్టార్ సినిమా పవన్ కళ్యాణ్ ను టార్గెట్ చేస్తూ తీస్తున్నాడు. అయితే పవర్ స్టార్ తర్వాత వర్మ మరో టాలీవుడ్ హీరోని టార్గెట్ చేస్తూ సినిమా చేస్తాడని అంటున్నారు.
ఇంతకీ వర్మ చేసే ఆ హీరో ఎవరు అంటే.. నందమూరి బాలకృష్ణ అని అంటున్నారు. టాలీవుడ్ స్టార్ హీరో, ఎమ్మెల్యే బాలకృష్ణను టార్గెట్ చేస్తూ వర్మ స్క్రిప్ట్ మొదలుపెట్టాడట. త్వరలోనే ఆయన ఈ సినిమాను ఎనౌన్స్ చేస్తాడని అంటున్నారు. మరి పవర్ స్టార్ సినిమా మీద ఆర్జివిని పవర్ స్టార్ ఫ్యాన్స్ విమర్శలు చేయగా వర్మ ని నందమూరి ఫ్యాన్స్ ఎలా టార్గెట్ చేస్తారో చూడాలి. వర్మ చేసే సినిమాల్లో మ్యాటర్ పెద్దగా లేకపోయినా పబ్లిసిటీ మాత్రం బీభత్సంగా చేస్తాడు. మరి బాలకృష్ణని టార్గెట్ చేస్తూ తీసే సినిమాను వర్మ ఏం చేస్తాడో.. ఏం తీస్తాడో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి