ఎన్టీఆర్ తో తీసిన స్టూడెంట్ నెంబర్ వన్ సినిమాతో టాలీవుడ్ కి దర్శకుడిగా పరిచయమైన ఎస్. ఎస్. రాజమౌళి, ఫస్ట్ సినిమాతోనే దర్శకుడిగా సూపర్ హిట్ అందుకున్నారు. ఆ తర్వాత మరొక సారి ఎన్టీఆర్ తో ఆయన తీసిన సింహాద్రి సినిమా అతి పెద్ద సెన్సేషన్ క్రియేట్ చేసి, దర్శకుడిగా రాజమౌళి కి మరింత గొప్ప పేరు తెచ్చిపెట్టింది. అనంతరం వరుసగా తన సినిమాలతో విజయాలు అందుకుంటూ దూసుకెళ్లిన రాజమౌళి, ఇటీవల ప్రభాస్ హీరోగా తీసిన బాహుబలి రెండు భాగలతో జాతీయ, అంతర్జాతీయ స్థాయిలో గొప్ప పేరు ప్రఖ్యాతులు గడించారు. ప్రస్తుతం యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ హీరోలుగా ఆయన తీస్తున్న మూవీ రౌద్రం రణం రుధిరం.
ఎన్టీఆర్ కొమరం భీమ్ గా, రామ్ చరణ్ అల్లూరి సీతారామరాజు గా నటిస్తున్న ఈ సినిమాలో ఆలియా భట్, ఒలీవియా మోరీస్ హీరోయిన్లుగా నటిస్తున్నారు. టాలీవుడ్ తో పాటు పలు ఇతర భాషలకు చెందిన ప్రముఖ నటులు నటిస్తున్న ఈ సినిమా షూటింగ్ ఇప్పటికే చాలా వరకు పూర్తయింది. కరోనా కారణంగా మూడు నెలల నుంచి మన దేశంలో లాక్ డౌన్ కొనసాగుతుండడంతో, మిగతా సినిమాలతో పాటు ఆర్ఆర్ఆర్ షూటింగ్ కూడా ఆగిపోయింది. అయితే కొద్దిరోజుల క్రితం సినిమా షూటింగ్స్ కి పర్మిషన్ ఇస్తూ రెండు తెలుగు రాష్ట్ర ప్రభుత్వాలు ఉత్తర్వులు జారీ చేసినప్పటికీ, పరిమిత మంది సిబ్బందితో షూటింగ్ చేయటం కొంత కష్టంగా భావించి, మొన్నటి వరకు చాలామంది సినిమావారు షూటింగ్స్ మొదలెట్టడానికి ముందుకు రాలేదు. అయితే మరికొన్నాళ్లపాటు ఇదే పరిస్థితి కొనసాకానుందని సమాచారం.
దీంతో తమ సినిమా తదుపరి షెడ్యూల్ ఎప్పుడు మొదలవుతుందో అర్ధకాకపోవడం, అలానే ఒకవేళ మొదలైనా, ఇతరభాషలకు చెందిన స్టార్ క్యాస్టింగ్ ఈ సినిమాలో ఉండడంతో, వారు ఎప్పుడు షూటింగ్ లో జాయిన్ అవుతారో అనేది కూడా తెలియకపోవడం వంటివి ఆర్ఆర్ఆర్ టీమ్ లో కొంత గందరగోళాన్ని రేకెత్తిస్తున్నాయని సమాచారం. కాగా ఇప్పట్లో తమ షూటింగ్ మొదలు పెట్టే అవకాశం లేదని, కొన్నాళ్లపాటు ఈ ప్రాజెక్టు ని నిలిపివేసి, పరిస్థితులన్నీ చక్కబడిన తరువాతనే తుది నిర్ణయం ప్రకటిస్తామని రాజమౌళి, తమ యూనిట్ కి ఉత్తర్వులు జరీ చేశారట. అలానే గతంలో ప్రకటించిన తమ సినిమా రిలీజ్ డేట్ ను కూడా కొన్నాళ్లపాటు వాయిదా వేయాలని కూడా ఆలోచిస్తున్నారట. కాగా ప్రస్తుతం పలు టాలీవుడ్ వర్గాల్లో విస్తృతంగా ప్రచారం అవుతున్న ఈ వార్తపై ఆర్ఆర్ఆర్ మూవీ యూనిట్ నుండి అధికారిక సమాచారం మాత్రం వెలువడాల్సి ఉంది....!!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి