దర్శకధీరుడు రాజమౌళితో కెరీర్ లో ఒక్క సినిమా అయినా చేయాలని ప్రతి హీరో అనుకుంటూ ఉంటాడు. టాలీవుడ్ తో పాటు బాలీవుడ్, కోలీవుడ్ హీరోలు సైతం రాజమౌళితో సినిమా చేయాలని ప్రయత్నిస్తున్నారు. కానీ రాజమౌళి మాత్రం టాలీవుడ్ హీరోలకే ప్రాధాన్యతనిస్తూ ఇక్కడి హీరోల సినిమాలకే దర్శకత్వం వహిస్తున్నారు. స్టూడెంట్ నంబర్ 1 నుంచి బాహుబలి 2 వరకు రాజమౌళి దర్శకత్వం వహించిన ప్రతి సినిమా బ్లాక్ బస్టర్ హిట్ అయింది.
ప్రస్తుతం రాజమౌళి దర్శకత్వంలో రామ్ చరణ్, జూనియర్ ఎన్టీఆర్ హీరోలుగా ఆర్.ఆర్.ఆర్ తెరకక్కుతోంది. లాక్ డౌన్ వల్ల షూటింగ్ వాయిదా పడిన ఈ చిత్రం ఎప్పుడు విడుదలైనా సరికొత్త రికార్డులు సృష్టిస్తుందనడంలో సందేహం లేదు. ఈ సినిమా తరువాత రాజమౌళి మహేష్ బాబు దర్శకత్వంలో ఒక సినిమా తెరకెక్కనుంది. అయితే రాజమౌళి దర్శకత్వంలో పవన్ కళ్యాణ్, అల్లు అర్జున్ హీరోలుగా ఇప్పటివరకు ఒక్క చిత్రం కూడా తెరకెక్కలేదు.
పవన్ కళ్యాణ్ ఇటు సినిమాలకు అటు రాజకీయాలకు సమ ప్రాధాన్యత ఇస్తున్నారు. రాజమౌళితో సినిమా అంటే పూర్తి సమయం ఆ సినిమాకే కేటాయించాల్సి ఉంటుంది. అందువల్ల వీరిద్దరి కాంబినేషన్ వర్కవుట్ అయ్యే అవకాశం లేదు. అయితే అల్లు అర్జున్ ఫ్యాన్స్ మాత్రం అల్లు హీరోతో రాజమౌళి ఎప్పుడు సినిమా తీస్తాడని ప్రశ్నిస్తున్నారు. అయితే అల్లు అర్జున్ తో రాజమౌళి సినిమా తీయకపోవడానికి కొన్ని ప్రత్యేక కారణాలు ఉన్నట్టు తెలుస్తోంది.
సాధారణంగా రాజమౌళి సినిమా కథ పూర్తైన తరువాత నటీనటులను ఎంచుకుంటారు. పాత్రలను బట్టి ఎవరు ఏ పాత్రకు సూట్ అవుతారో అంచనా వాళ్లనే హీరోగా ఎంపిక చేసుకుంటారు. ఈ కారణాల వల్లే అల్లు అర్జున్ రాజమౌళి కాంబినేషన్లో ఇప్పటివరకు సినిమా తెరకెక్కలేదని తెలుస్తోంది. అయితే భవిష్యత్తులో మాత్రం వీరిద్దరి కాంబినేషన్లో సినిమా తెరకెక్కే అవకాశాలు ఐతే ఉన్నాయి. మహేష్ తో సినిమా పూర్తైతే రాజమౌళి అల్లు అర్జున్ తో తరువాత సినిమాను తెరకెక్కించే అవకాశాలు ఉన్నాయని ఫిల్మ్ నగర్ వర్గాల సమాచారం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి