కరెక్ట్ ఫార్మెట్ లో సినిమా తీస్తే స్టార్ సినిమా తప్పకుండా హిట్టు కొడుతుంది. యాక్షన్ ఎంటర్టైనర్ సినిమాలకు ఈ స్కోప్ ఎక్కువగా ఉంటుంది. తెలుగులో స్టార్ హీరోలు ఒకప్పుడు రొటీన్ అండ్ రెగ్యులర్ సినిమాలతో హిట్టు కొట్టారు. కాని ఇప్పుడు ప్రేక్షకుల ఆలోచన మారడం.. స్టార్స్ కూడా కొత్త కథలను చేయడంతో కొత్త ఉత్సాహం వచ్చింది. మాస్ ఇమేజ్ ఉన్న ఏ హీరో అయినా కరెక్ట్ మీటర్ లో సినిమా చేస్తే పక్కా హిట్ కొట్టడం గ్యారెంటీ. సూపర్ స్టార్ మహేష్ కు కూడా అలాంటి సినిమా చేస్తే వసూళ్ళ బీభత్సం సృష్టించవచ్చు. కాని మహేష్ అందుకు డిఫరెంట్ గా సినిమాలు చేస్తాడు.
మాస్ కథ.. రెండు ట్విస్టులు.. మూడు ఫైట్స్.. నాలుగు పాటలు ఇలా మాస్ కథతో వస్తే మహేష్ బాబు కచ్చితంగా హిట్టు కొడతాడు అలాంటి సినిమా తీసి హిట్టు కొట్టడం మహేష్ బాబుకి ఓ లెక్కేం కాదు కాని మహేష్ వెరైటీ కథలతో సినిమాలు చేస్తూ ప్రేక్షకులను మెప్పిస్తున్నాడు. తన సినిమాతో సమాజానికి పనికొచ్చే ఏదో ఒక మెసేజ్ ఇచ్చేలా చూస్తాడు మహేష్. సమాజానికి ఉపయోగపడే సినిమాలు కాబట్టి మహేష్ సినిమాలకు ఈమధ్య సూపర్ క్రేజ్ ఏర్పడింది.
అందరి హీరోల్లా కాకుండా కొత్తగా ఏదైనా చేయాలని ఆలోచించే మహేష్ ఈమధ్య ప్రతి కథలో కొత్తదనం ఉండేలా చేస్తున్నాడు. శ్రీమంతుడు సినిమా నుండి ముఖ్యంగా మహేష్ తన ప్రతి కథలో ఏదో ఒక కొత్త పాయింట్ ను ప్రేక్షకుల ముందుకు తెస్తున్నాడు. మహేష్ లాంటి స్టార్ ఇమేజ్ ఉన్న హీరో ఓ మాస్ సినిమా చేస్తే తప్పకుండా కలక్షన్స్ వస్తాయి. కాని సినిమా హిట్టు కొట్టడం అంటే వసూళ్ళు మాత్రమే కాదు ప్రేక్షకుల మనసులు కూడా గెలవడం అనేలా మహేష్ తన సినిమాలు చేస్తున్నాడు. ఇదే మేనియా కొనసాగిస్తే మహేష్ సినిమా అంటే కచ్చితంగా సూపర్ హిట్టే అనే టాక్ రావడం గ్యారెంటీ.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి