టాలీవుడ్ సూపర్ స్టార్ మహేష్ బాబు హీరోగా మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కిన సినిమా అతడు. జయభేరి ఆర్ట్ ప్రొడక్షన్స్ బ్యానర్ పై బ్యానర్ పై మురళి మోహన్, కిశోర్ నిర్మాతలుగా వ్యవహరించిన ఈ సినిమా అప్పట్లో పెద్ద విజయాన్ని అందుకుంది. ఆ తరువాత కొంత గ్యాప్ అనంతరం మహేష్, త్రివిక్రమ్ ల కలయినలో వచ్చిన రెండవ సినిమా ఖలేజా. మహేష్ సరసన అనుష్క శెట్టి హీరోయిన్ గా నటించిన ఈ సినిమా 2010 లో మంచి అంచనాలతో ప్రేక్షకుల ముందుకు వచ్చి బాక్సాఫీస్ దగ్గర బోల్తా కొట్టింది. కనకరత్న మూవీస్ బ్యానర్ పై ఈ సినిమాని శింగనమల రమేష్ బాబు నిర్మించారు.
తొలిసారిగా తన కెరీర్ లో మహేష్ బాబు ఫుల్ లెంగ్త్ ఎంటర్టైనింగ్ రోల్ పోషించిన ఈ సినిమా, యాక్షన్, ఎమోషన్, ఎంటర్టైన్మెంట్ ప్రధానంగా సాగినప్పటికీ, అప్పటి ప్రేక్షకుల అంచనాలు మాత్రం అందుకోలేకపోయింది. .పవర్ స్టార్ పవన్ కళ్యాణ్ హీరోగా ఎస్. జె. సూర్య దర్శకత్వంలో తెరకెక్కిన సినిమా ఖుషి. 2001లో రిలీజ్ అయిన ఈ సినిమా అతి పెద్ద విజయాన్ని అందుకుంది. ఆ తరువాత చాలా గ్యాప్ అనంతరం పవన్, ఎస్. జె. సూర్యల కాంబోలో 2010 లో తెరకెక్కిన రెండవ సినిమా కొమరం పులి.
ఖలేజా కంటే సరిగ్గా ఒక నెల రోజుల ముందుగా రిలీజ్ అయిన ఈ సినిమా కూడా బాక్సాఫీస్ దగ్గర బోల్తా కొట్టింది. యాక్షన్, ఎమోషన్, తో కూడిన భారీ సినిమాగా తెరకెక్కిన ఈ సినిమాలో పవన్ సరసన నికీషా పటేల్ హీరోయిన్ గా నటించింది. అప్పట్లో ఈ సినిమా పై కూడా ప్రేక్షకాభిమానుల్లో విపరీతమైన అంచనాలు ఏర్పడ్డాయి. కాగా ఈ సినిమాని కూడా కనకరత్న మూవీస్ బ్యానర్ పై శింగానమల రమేష్ నిర్మించడం జరిగింది. ఆ విధంగా అటు పవన్ కొమరం పులి, ఇటు మహేష్ ఖలేజా సినిమాలు రెండిటినీ భారీ ఖర్చుతో నిర్మించి, ఊహించని విధంగా రెండు సినిమాలతో పరాజయాలు అందుకున్నారు శింగనమల రమేష్. అయితే ఇది ఒకరకంగా యాదృచ్చికం అని అంటున్నారు సినీ విశ్లేషకులు....!!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి