హౌజ్ లో తన జర్నీ చూసి ఆమె కళ్ళు చెమ్మగిల్లాయి. నాగార్జున కూడా వాటే వండర్ఫుల్ జర్నీ అన్నారు. ఇక ఆమె వెళ్లేప్పుడు ఏదైతే సాధించాలని అనుకుందో అది సాధించుకుంది గంగవ్వ. బిగ్ బాస్ విన్నర్ అయ్యి సొంత ఇల్లు కట్టుకుంటానని చెప్పింది గంగవ్వ. అయితే నాగార్జున నీ ఇల్లు కట్టిస్తాం అంటూ హామీ ఇచ్చేశాడు. నువ్వు హ్యాపీగా ఇంటికి వెళ్లు గంగవ్వ్వ ఇల్లు కట్టించేస్తాం అంటూ నాగార్జున చెప్పారు. 60 ఏళ్ళ వయసులో గంగవ్వ ఇంటి కోసం బిగ్ బాస్ హౌజ్ లో ఐదు వారాలు తన ఆట తీరుతో ఆకట్టుకుంది.
రెండో వారం హెల్త్ ప్రాబ్లం వల్ల హౌజ్ నుండి వెళ్తుందేమో అన్న డౌట్ వచ్చినా ఆమె మళ్ళీ కోలుకుంది. అయితే బిగ్ బాస్ తో గంగవ్వ ఐదు వారాల అగ్రిమెంట్ మాత్రమే చేసుకుందని.. ఐదు వారాలు ఉంటే తనకు ఇల్లు కట్టిస్తామని బిగ్ బాస్ నిర్వాహకులు చెప్పినట్టు టాక్. ఏదైతేనేం గంగవ్వ పడిన ఈ నెల రోజుల కష్టానికి ఇల్లు కానుకగా రాబోతుంది. నాగ్ అష్యురెన్స్ ఇచ్చారు కాబట్టి త్వరలోనే గంగవ్వ ఇంటికి సంబందించిన అప్డేట్స్ వచ్చే అవకాశం ఉంది.