తెలుగు బుల్లితెర ప్రేక్షకులను ఎంతగానో ఆకట్టుకుంటూ.మంచి ఆదరణను కనబర్చిన బిగ్ బాస్ సీసన్4 ఇప్పుడు చివరి దశకు చేరుకుంది. ఇక ఈ  ముగింపు వేడుక కోసం ఇప్పటి నుంచే ఏర్పాట్లు జరుగుతున్నట్టు సమాచారం. ఈ క్రమంలో నాలుగో సీజన్ ఫైనల్ ఎపిసోడ్ కి ఎవరు చీఫ్ గెస్ట్ అనే విషయం ఇప్పుడు అందరిలో అత్యంత ఆసక్తికరంగా మారింది..గతంలో బిగ్‌బాస్ తెలుగు 1, 2, 3 సీజన్ ముగింపు కార్యక్రమంలో ఎన్టీఆర్, వెంకటేష్, చిరంజీవి ముఖ్య అతిథులుగా హాజరయ్యారు.సీసన్1లో శివ బాలాజీకి ఎన్టీఆర్ షీల్డ్ అందంచగా, రెండో సీజన్‌ విజేత కౌశల్‌ మండాకు వెంకటేష్ అందించారు.

ఇక మూడో సీజన్‌ విన్నర్ రాహుల్ సిప్లిగంజ్‌కు చిరంజీవి ట్రోఫిని అందించారు.ఇక నాలుగో సీజన్ కోసం ముఖ్య అతిథి ఎవరనే విషయంపై ఇప్పుడు మీడియాలో అనేక ఊహాగానాలు సాగుతున్నాయి. ఈ క్రమంలో పలువురు పేర్లు వినిపించినప్పటికి.. క్లారిటీ రాలేదు. అయితే తాజాగా సూపర్ స్టార్ మహేష్ బాబు ముఖ్య అతిథిగా రానున్నారంటూ ఓ వార్త మీడియాలో చక్కర్లు కొడుతున్నది.నాలుగో సీజన్‌ మరో 14 రోజులపాటు సాగనున్నది. ఈ క్రమంలో ముగింపు వేడుకకు ఇప్పటి నుంచే బిగ్‌బాస్ హౌస్‌లో హంగామా కొనసాగుతున్నది. ఈ వేడుకను ఘనంగా నిర్వహించేందుకు నిర్వాహకులు ఏర్పాట్లు చేస్తున్నారు.

తాజా సమాచారం ప్రకారం.. మహేష్ బాబును కలిసి ముఖ్య అతిథిగా పాల్గొనాలని కోరగా అందుకు సానుకూలంగా స్పందించినట్టు తెలిసింది.బిగ్‌బాస్ ముగింపు వేడుకు డిసెంబర్ 20వ తేదీన నిర్వహించేందుకు నిర్వాహకులు ప్లాన్ చేసినట్టు సమాచారం. ఈ మేరకు పలువురు ప్రముఖులను, కంటెస్టెంట్ల కుటుంబ సభ్యులను ఆహ్వానించేందుకు ప్లాన్ చేస్తున్నట్టు తెలిసింది. ఇక మహేష్ బాబు కనుక ఈ బిగ్ బాస్ ఫైనల్స్ కి గెస్ట్ గా వస్తే.. మహేష్ గెస్ట్ గా వెళ్లే మొట్టమొదటి రియాలిటీ షో ఇదే అవుతుంది.ఇక దీనిపై త్వరలోనే ఓ అనౌన్స్మెంట్ రానుందని తాజా సమాచారం...!!
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

biggboss telugu mahesh venkatesh mahesh babu rahul new rahul k l rahul rajani kanth december shield reality show rahul sipligunj winner1

Anilkumar

08/12/2020 04:00 PM