పవన్ కళ్యాణ్ కుటుంబానికి సంబంధించి ఏ ఒక్క వార్త బయటకు వచ్చినా లేదంటే ఏ ఒక్క ఫోటో బయటకు వచ్చినా అది క్షణాలలో వైరల్ గా మారిపోతుంది. కేవలం పవన్ అభిమానులు మాత్రమే కాకుండా అతడి వ్యతిరేకులు కూడ పవన్ కుటుంబ సభ్యుల ఫోటోల గురించి ఆశక్తి చూపుతూ ఉంటారు.
ఈమధ్య నిహారిక పెళ్ళిలో అకిరా నందన్ ఆద్య ల లేటెస్ట్ లుక్ ను చూసి పవన్ అభిమానులు మంచి జోష్ లోకి వెళ్ళిపోయారు. అంతేకాదు హీరోగా ఫిలిం ఎంట్రీ ఇవ్వడానికి అకిరా సిద్ధపడుతున్నాడు అంటూ ప్రశంసలు కూడ కురిపించారు. ఇప్పుడు ఈవిషయం జరిగి కొన్ని రోజులు కూడ అవ్వకుండానే పవన్ చిన్నకొడుకు మార్క్ శంకర్ పవనోవా లేటెస్ట్ లుక్ మీడియాకు హాట్ టాపిక్ గా మారింది.
ఈమధ్య జరిగిన నిహారిక పెళ్ళిలో పవన్ భార్య అన్నా లెజ్ నేవా ఆమె పిల్లలు కనిపించకపోవడంతో వారంతా ఏమైపోయారు అంటూ సోషల్ మీడియాలో తెగ చర్చలు జరిగాయి. అయితే ఆ తరువాత అన్నా ఆమె పిల్లలతో కలిసి క్రిస్మస్ వేడుకలకు రష్యా వెళ్ళింది అని వార్తలు రావడంతో కొంతవరకు పవన్ అభిమానులు తెరిపిన పడ్డారు. ఈ విషయం జరిగి ఒక్క వారం కూడ కాకుండానే అన్నా తన పిల్లలు మార్క్ శంకర్ పవనోవా కూతురు పొలెనా అంజనా పవనోవా లతో కలిసి హైదరాబాద్ ఎయిర్ పోర్ట్ లో కనిపించడంతో చాలామంది షాక్ అయ్యారు.
అంతేకాదు క్రిస్మస్ వేడుకలకు రష్యా వెళ్ళిన అన్నా క్రిస్మస్ అవ్వకుండానే అప్పుడే ఎందుకు తిరిగి వచ్చేసింది అంటూ కొందరు ఆశ్చర్యం వ్యక్తపరిచారు. అంతేకాదు ఇప్పటి వరకు చీరకట్టులో కనిపించిన అన్నా లేటెస్ట్ గా జీన్స్ మరియు టీషర్టులో ట్రెండీగా కనిపించడం పవన్ అభిమానులకు మరింత ఆశ్చర్యాన్ని కలిగిస్తోంది. తన ఇద్దరి పిల్లలతో అన్నా ముఖానికి మాస్కు ధరించి ఎయిర్ పోర్టు నుంచి బయటకు వస్తున్న సమయంలో కొందరు అన్నా ను పవన్ పిల్లలను గుర్తించడంతో వారి ఫోటోలను తమ సెల్ కెమెరాలతో తీసి వెంటనే సోషల్ మీడియాలో షేర్ చేసారు. పవన్ చిన్న కొడుకు మార్క్ శంకర్ లుక్ ను చూసి పవన్ అభిమానులు మరింత మురిసిపోతున్నారు..
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి