బాహుబలి సినిమాలో శ్రీదేవి కి శివగామి పాత్ర ఇవ్వాలి అనుకున్నారు కానీ అనూహ్యంగా రమ్యకృష్ణ ఆ గోల్డెన్ ఆపర్చునిటీ దక్కించుకొని ప్రపంచవ్యాప్తంగా ఎంతో పేరు ప్రఖ్యాతులు సంపాదించుకున్నారు. అయితే ప్రస్తుతం అలాంటి మంచి అవకాశాలు అనూహ్యంగా ముగ్గురు హీరోయిన్లను వరించాయి. వారెవరో ఈ ఆర్టికల్ లో తెలుసుకుందాం.
పాన్ ఇండియా మూవీగా తెరకెక్కుతున్న 'సలార్' లో ప్రభాస్ సరసన బాలీవుడ్ హీరోయిన్ ని నటింపజేయాలని అనుకున్నారు. కానీ ఆ ఛాన్స్ చివరికి శృతిహాసన్ ని వరించింది. దీంతో ఆమె క్రేజ్ ఒక్కసారిగా పెరిగిపోయింది. కేజిఎఫ్ డైరెక్టర్ సలార్ సినిమాకి దర్శకత్వం వహిస్తున్న విషయం తెలిసిందే. ఈ సినిమాపై దేశవ్యాప్తంగా భారీ అంచనాలు నెలకొన్నాయి.
క్రిష్, పవన్ కళ్యాణ్ కాంబినేషన్ లో ఒక పిరియాడికల్ డ్రామా తెరకెక్కుతోంది. అయితే ఈ సినిమాలో ఒక బాలీవుడ్ హీరోయిన్ ని సెలెక్ట్ చేసుకోవాలి అని చిత్రబృందం భావించింది కానీ అది కుదరక చివరకి నిధి అగర్వాల్ ని హీరోయిన్ గా ఎంచుకుంది. దీంతో ఆమె పంట పండినట్లు అయింది.
బోయపాటి శ్రీను, బాలయ్య కాంబో లో వస్తున్న సినిమాకి హీరోయిన్ గా ప్రయాగా మార్టిన్ అనుకున్నారు. తరువాత సయేషా సైగల్ పేరు తెరమీదకు వచ్చింది. కానీ చివరికి ప్రజ్ఞా జైస్వాల్ ని కన్ఫామ్ చేశారు. అలాగే ఆచార్య సినిమాలో రామ్ చరణ్ సరసన ఎందరో హీరోయిన్లను అనుకున్నారు కానీ పూజా హెగ్డే ఆ అవకాశం దక్కించుకున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి