టాలీవుడ్ సూపర్ స్టార్ మహేష్ బాబు రాజకుమారుడు మూవీ తో హీరోగా టాలీవుడ్ కి ఎంట్రీ ఇచ్చారు. కె రాఘవేంద్ర రావు దర్శకత్వంలో అశ్వినిదత్ నిర్మించిన ఆ మూవీ సూపర్ కొట్టి ఫస్ట్ మూవీ ద్వారానే ఫ్యాన్స్ లో మహేష్ కు సూపర్ ఇమేజ్ తెచ్చిపెట్టింది. ఇక ఆ తరువాత నుండి వరుసగా సినిమా ఛాన్స్ లు అందుకుంటూ కొనసాగిన మహేష్ బాబు, ఆపై ఎన్నో సక్సెస్ లు అందుకుని ప్రస్తుతం టాలీవుడ్ టాప్ స్టార్స్ లో ఒకరిగా కొనసాగుతున్నారు.
అయితే మహేష్ బాబు తన కెరీర్ లో మరొక స్టార్ హీరో ఎవరూ కూడా చేయనన్ని ప్రయోగాత్మక సినిమాలు చేశారనే చెప్పాలి. కాగా వాటిలో కొన్ని సక్సెస్ కాగా మరికొన్ని ఫెయిల్ అయ్యాయి. తనకు ఎంతో గొప్ప ఇమేజ్, మార్కెట్ ఉన్నప్పటికీ కూడా వాటిని ప్రక్కన పెట్టి తాను ఈ తరహా సినిమాలు చేయడం నిజంగా ఎంతో పెద్ద సాహసం అని అంటున్నారు విశ్లేషకులు. ఇక ప్రస్తుతం పరశురామ్ దర్శకత్వంలో సర్కారు వారి పాట మూవీ చేస్తున్న మహేష్ బాబు, దాని అనంతరం రాజమౌళి దర్శకత్వంలో ఒక మూవీ చేస్తారని అందరూ భావించారు. అయితే రాజమౌళి ప్రస్తుతం తీస్తున్న ఆర్ఆర్ఆర్ మూవీ పూర్తి కావడానికి మరికొంత సమయం పడుతుందని, అలానే ఆ తరువాత కొంత విరామం తీసుకున్న అనంతరమే మహేష్ తో రాజమౌళి తన సినిమాని మొదలెడతారని అంటున్నారు.
అందువలన ఈ మధ్య గ్యాప్ లో అనిల్ రావిపూడి తో ఒక మూవీ చేయడానికి మహేష్ సిద్ధమయ్యారని తెలుస్తోంది. ఇటీవల అనిల్ కూడా త్వరలో తాను మహేష్ కు ఒక అద్భుతమైన స్టోరీ వినిపించనున్నట్లు చెప్తున్నారు. అయితే ఈ మూవీ పక్కాగా ఒక ప్రయోగాత్మక సినిమా అని, తన కెరీర్ లో మహేష్ ఇటువంటి ప్రయోగం ఇంతవరకు చేయలేదని, అలానే ఆయన క్యారెక్టర్ ఇందులో ఎంతో అదిరిపోతుందని చెప్తున్నారు. మరి దీనిని బట్టి చూస్తుంటే గతంలో మాదిరిగా మహేష్ మరొక ప్రయోగానికి శ్రీకారం చుడుతున్నట్లుగా తెలుస్తోంది..... !!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి