ఇక ఈ సినిమాల అనంతరం సీనియర్ డైరెక్టర్ కె ఎస్ రవికుమార్ దర్శకత్వంలో బాలయ్య నటించిన సినిమా రూలర్. గత ఏడాది డిసెంబర్లో ప్రేక్షకుల ముందుకు వచ్చిన ఈ సినిమా కూడా ఆశించిన స్థాయి విజయాన్ని అందుకోలేదు. మంచి మాస్ యాక్షన్ ఫ్యామిలీ ఎంటర్ టైనర్ గా తెరకెక్కిన ఈ సినిమా తర్వాత ప్రస్తుతం బాలయ్య, బోయపాటి దర్శకత్వం లో నటిస్తున్న మూవీ అఖండ. ప్రగ్యా జైస్వాల్ హీరోయిన్ గా నటిస్తున్న ఈ సినిమాని మిరియాల రవీందర్ రెడ్డి ద్వారకా క్రియేషన్స్ బ్యానర్ పై ఎంతో ప్రతిష్టాత్మకంగా నిర్మిస్తుండగా ఎస్ తమన్ సంగీతం అందిస్తున్నాడు. ఈ సినిమాలో బాలయ్య మధ్యతరగతి రైతుగా అలానే అఘోర గా రెండు రకాల పాత్రల్లో కనిపించనున్న విషయం తెలిసిందే.
ఈ రెండు పాత్రలకు సంబంధించిన ఇటీవల విడుదలైన టీజర్స్ ఆడియన్స్ నుండి మంచి రెస్పాన్స్ దక్కించుకున్నాయి. అసలు విషయం ఏమిటంటే ఈ సినిమాకు సంబంధించి ప్రీ రిలీజ్ బిజినెస్ భారీగా జరిగిందని అలానే ముఖ్యంగా ఈ సినిమాకు గాను బాలయ్య కు ఏకంగా రూ. 17 కోట్ల రూపాయల వరకు భారీ స్థాయిలో రెమ్యునరేషన్ ముట్టిందని, ఇది బాలయ్య కెరీర్ లో అత్యధికం అని అంటున్నారు. ఇటీవల బాలయ్య నటిస్తున్న సినిమాలు వరుసగా పరాజయాలు పాలవుతున్నప్పటికీ కూడా ఆయన ఈ స్థాయిలో పారితోషికం అందుకోవటానికి కారణం ఆయనకు ఉన్న ఫ్యాన్ ఫాలోయింగ్, చరిష్మా అని, తప్పకుండా ఈ మూవీతో బ్లాక్బస్టర్ సక్సెస్ కొట్టి బాలయ్య కెరీర్ పరంగా బ్రేక్ అందుకోవడం ఖాయమని అంటున్నారు. కాగా ఈ సినిమా అతి త్వరలో ప్రేక్షకుల ముందుకు రానుంది.... !!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి