వెండితెరపై తక్కువ సినిమాలతోనే ఎక్కువ పాపులారిటీ సంపాదించుకున్న హీరో సంపూర్ణేష్ బాబు. తను నటించిన మొదటి సినిమాతోనే ఎంతోమంది ప్రేక్షకులని కడుపుబ్బా నవ్వించాడు. అంతే కాకుండా తన సినిమాతో సమాజంలో ప్రజలు పడుతున్న కష్టాలను కూడా తనదైన శైలిలో కామెడీ రూపంలో చూపిస్తూనే ఉంటాడు సంపూర్ణేష్ బాబు.
తాజాగా తెలంగాణలోని దుబ్బాక అనే ప్రాంతానికి చెందిన నరసింహాచారి దంపతులు అప్పులు ఎక్కువ అవడంతో ఆత్మహత్య చేసుకున్నారు. వీరు ఇలా చేయడంతో వీరి పిల్లలు అనాధలయ్యారు. ఈ విషయం తెలుసుకున్న సంపూర్ణేష్ బాబు వెంటనే వీరికి ఆర్థిక సాయం కింద 25,000 రూపాయలను అందించారు. అంతే కాకుండా ఇద్దరు పిల్లలు చదువుకు అయ్యే ఖర్చును తానే భరిస్తానని తెలిపారు. ఈ విషయాన్ని ఒక సోషల్ మీడియా ద్వారా తెలిపారు.
"మా నిర్మాత సాయి రాజేష్ తో కలిసి, ఈ సహాయాన్ని అందించారు. అంతేకాకుండా ఆంధ్రప్రదేశ్ లోని విశాఖ వరదలు వచ్చినప్పుడు కూడా, ఈ హీరో తన వంతు సహాయంగా ఎంతో కొంత అందించాడు. ఇక కొద్ది రోజుల కిందట చనిపోయిన జర్నలిస్ట్ కి కూడ 50,000 రూపాయలను అందించాడు. ఇలా ఇన్ని సహాయాలు చేసిన సంపూని ప్రేక్షకులు ఎంతో అభినందిస్తున్నారు. తను ఒక చిన్న హీరో అయినా కూడా ఇంతలా సహాయం చేస్తున్నారని ఆనందం వ్యక్తం చేస్తున్నారు. ఇక అంతే కాకుండా సంపూర్ణేష్ బాబు మూడు సినిమాల్లో నటిస్తున్నారు.
ఈయన నటిస్తున్న సినిమాలు విజయవంతమై ఎంతో మందికి సహాయం చేయాలని కోరుకుందాం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి