సినిమాలో రాక్షసుల్లా కనిపించే విలన్లకూ మంచి మనసుంటుందని నిరూపించాడు నటుడు సోనూసూద్‌. అయితే కరోనాకు ముందు వరకు అంద‌రి దృష్టిలో సోనూసూద్ విల‌న్‌గానే ప‌రిచ‌యం. కానీ కరోనా ఎప్పుడైతే ఎంట‌ర్ అయిందో ఆయ‌న ప్ర‌పంచానికే హీరో అయ్యాడు. ఒక‌ప్ప‌డు సోనూసూద్ అంటే కొంద‌రికి మాత్రమే తెలుసు. ఇప్ప‌డు ఆయ‌న తెలియ‌ని వారు అంటూ య‌ఎవ‌రూ లేరు. ఆయ‌న ఆస్తుల‌ను అమ్ముకొని మ‌రీ ప్ర‌జ‌ల‌కు సేవ చేస్తున్నాడు. కొంద‌రికి ఆక‌లి తీరుస్తున్నాడు. మ‌రికొంద‌రికి ఆర్థిక‌సాయం చేస్తున్నాడు. ఇంకొంద‌రికి ఆక్సీజ‌న్ సిలిండ‌ర్ల‌ను అంద‌జేస్తున్నాడు. ఆయ‌న ద‌గ్గ‌రికి ఎవ‌రూ వ‌చ్చి ఆప‌ద‌లో ఉన్నామంటే చాలు స‌హాయం చేస్తున్నాడు. ఆయ‌న క‌లియుగ‌ ధ‌ర్మ‌రాజు అయ్యాడు.  ఎంతోమందికి చేయూతనందిస్తూ మంచి పేరు తెచ్చుకుంటున్నాడు. కష్టాల్లో ఉన్న వారందరికీ నేనున్నానంటూ భరోసా క‌ల్పిస్తూ దేవుడయ్యాడు. సినీ రంగంలో ఎంతోమంది డ‌బ్బున్న వాళ్లు ఉన్నారు. డ‌బ్బు కాదు స‌హాయం చేసే గుణం ఉండాలని సోనూసూద్ నిరూపించాడు.

ప్రభుత్వాలు చేయలేని పనులను సోనూసూద్ ఒక్క‌డే ఒంటిచేత్తో చేస్తుండటంతో ప్ర‌పంచ‌మే ఆయ‌న‌ను చూస్తోంది. ఈ క్రమంలో పలువురు సోనూసూద్ అభిమానులు ఆయ‌న‌ను క‌లిసేందుకు పాదయాత్రలు చేస్తున్నారు. అయితే తనను కలవడానికి పాద‌యాత్ర‌లు చేయొద్ద‌ని అభిమానుల‌కు ట్వ‌ట్ట‌ర్ ద్వారా సూచించారు. అయినా సరే తనతో కలిసి సెల్ఫీ దిగితే జ‌న్మధ‌న్యం అవుత‌తుంద‌ని ఎంతోమంది ఎక్క‌డి నుంచో ముంబైకి వ‌చ్చి ఆయ‌న‌తో సెల్ఫీ దిగుతున్నారు. తాజాగా మరో అభిమాని సోనూసూద్‌ను కలిశాడు. అందులో విశేషం ఏమ‌నుకుంటున్నారా.. 1200 కి.మీ. సైకిల్‌ తొక్కుకుంటూ సోనూసూద్ ఇంటికి వ‌చ్చాడు. ఈ విష‌యం తెలుసుకున్న సోనూసూద్ ఇంట్లో నుంచి బ‌య‌ట‌కి వ‌చ్చి అభిమాన‌ని ఎంతో ప్రేమ‌తో ఆహ్వానించాడు. దాంతో ఆ అభిమాని సోనూసూద్ పాదాల మీద పూలు చ‌ల్లి న‌మ‌స్క‌రించాడు. సోనూసూద్ మెడలో పూల‌దండ అభిమాని వేయబోతుండగా దాన్ని తీసుకొని అభిమాని మెడలో వేశాడు. అంతేగాకుండా అభిమానికి న‌మ‌స్క‌రించాడు సోనూసూద్‌.  ప్రస్తుతం ఈ వీడియో నెట్‌లో చ‌క్క‌ర్లు కొడుతోంది.

మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

sonusood

Suma Kallamadi

18/07/2021 01:30 PM