![](https://www.indiaherald.com/cdn-cgi/image/width=750/imagestore/images/movies/politics_gossips/boyapati-srinu-raviteja-be03499e-5ede-472b-9e1d-df23100891e7-415x250.jpg)
రొమాంటిక్ డైరెక్టర్ సుకుమార్ దర్శకత్వంలో అల్లు అర్జున్ హీరోగా నటించిన సినిమా ఆర్య. అయితే సుకుమార్ ఈ సినిమా స్టోరీని అల్లు అర్జున్ కంటే ముందు చాలా మందికి చెప్పారు. అందులో రవితేజ కూడా ఉన్నారు. ఆయనకి ట్రయాంగిల్ లవ్ స్టోరీ నచ్చకపోవడంతో ఈ సినిమాని వదులుకున్నారు. అలాగే పూరి జగన్నాథ్ దర్శకత్వంలో మహేష్ బాబు హీరోగా నటించిన పోకిరి సినిమా బాక్స్ ఆఫీస్ వద్ద మంచి విజయాన్ని అందుకుంది. కాగా.. ఈ సినిమా స్టోరీని రవితేజకు చెప్పారు. అప్పటికి చేతినిండా సినిమాలతో బిజీగా ఉండడంతో ఈ సినిమాని వదులుకున్నారు.
శేఖర్ కమ్ముల దర్శకత్వంలో సుమంత్ హీరోగా వచ్చిన సినిమా గోదావరి. శేఖర్ కమ్ముల ఈ సినిమాని రవితేజతోనే ప్లాన్ చేశారు. అయితే రవితేజకి రాజమౌళితో సినిమా అవకాశం రావడంతో ఈ సినిమాని రిజెక్ట్ చేశారు. ఇక సంతోష్ శ్రీనివాస్ దర్శకుడిగా పరిచయమైన కందిరీగ సినిమా కథను ముందుగా రవితేజకు చెప్పారు. రవితేజ వేరే సినిమాలతో బిజీగా ఉండటంతో ఈ మూవీని వదులుకున్నారు.
హరీష్ శంకర్ దర్శకత్వంలో పవన్ కళ్యాణ్ హీరోగా నటించిన సినిమా గబ్బర్ సింగ్. హరీష్ శంకర్ ఈ సినిమాని మాస్ మహారాజాతో చేయాలని అనుకున్నారు. అనివార్య కారణాలతో ఈ సినిమాకి రిజెక్ట్ చేశారు. గోపీచంద్ మలినేని దర్శకత్వంలో వేంకటేశ హీరోగా నటించిన సినిమా బాడీగార్డ్. ఈ సినిమాను కూడా రవితేజ వదులుకున్నారు. అంతేకాక.. ఎన్టీఆర్ నటించిన జై లవకుశ, నాని నటించిన ఎంసిఏ, ప్రస్తుతం శర్వానంద్ నటిస్తున్న మహా సముద్రం వంటి సినిమాలను ఆయన రిజెక్ట్ చేశారు.