మెగాస్టార్
చిరంజీవి హీరోగా ముత్యాల సుబ్బయ్య దర్శకత్వంలో 1997వ సంవత్సరంలో వచ్చిన చిత్రం హిట్లర్. ప్రముఖ నటుడు ఎల్.బి.శ్రీరామ్ ఈ చిత్రానికి సంభాషణలు అందించగా ఈ చిత్రం 42 కేంద్రాల్లో శతదినోత్సవం పూర్తి చేసుకుని
చిరంజీవి కెరీర్ లోనే సూపర్ హిట్ చిత్రంగా తెరకెక్కింది.
రంభ హీరోయిన్ గా నటించిన ఈ
సినిమా మలయాళంలో 1996లో అదే పేరుతో తెరకెక్కిన చిత్రానికి రీమేక్. అక్కడ మమ్ముట్టి,
శోభన జంటగా నటించారు.
కోటి
సంగీత సారథ్యంలో తెరకెక్కిన ఈ చిత్రంలోని పాటలు ప్రేక్షకులను విపరీతంగా అలరించాయి. అన్నా చెల్లెల అనుబంధం నేపథ్యంలో ఈ
సినిమా రాగా తెలుగు ప్రేక్షకులను విపరీతంగా అలరించింది ఈ సినిమా. ముఖ్యంగా అన్నాచెల్లెళ్లు, అక్కా తమ్ముళ్ళకు ఈ
సినిమా బాగా కనెక్ట్ అయ్యింది అని చెప్పవచ్చు. చిన్నప్పుడే తల్లిదండ్రులు చనిపోవడంతో తన చెల్లెళ్లకు తానే తల్లి
తండ్రి అయి పెంచి పోషిస్తాడు కథానాయకుడు. అయితే ఓ వయసు వచ్చాక చెప్పుడు మాటలు, అపార్థం చేసుకుని ఎవరి దారి వారు చూసుకునే విధంగా
అన్నయ్య ను మోసం చేస్తారు.
ఈ నేపథ్యంలో వారు తిరిగి తన
అన్నయ్య ఎలా చేరుకున్నారు అనేదే ఈ
సినిమా కథ. వినగానే ప్రేక్షకుల మనసును హత్తుకునే విధంగా ఉన్న ఈ
సినిమా కథ ను అదే రేంజ్ లో తెరకెక్కించారు. ఇందులో
రాజేంద్రప్రసాద్ కీలక పాత్ర పోషించగా
హీరో స్నేహితుడిగా ప్రేక్షకులను ఓ సన్నివేశంలో కంటతడి పెట్టించాడు. ఈ సినిమాకు వచ్చే క్లైమాక్స్ ప్రేక్షకులను విపరీతంగా ఆకట్టుకుంది అనడంలో ఎలాంటి సందేహం లేదు.
మెగాస్టార్ చిరంజీవి కెరీర్ లోనే విభిన్న చిత్రం గా ఈ
సినిమా మంచి విజయాన్ని అందుకుంది. ఈ చిత్రంలో చిరు చేల్లెల్లుగా చేసిన వారి కెరీర్ కూడా ఈ
సినిమా తర్వాత మంచి ఊపందుకున్నాయి.. ఏదేమైనా ప్రతి రాఖి పండగ రోజు అందరు చూడాల్సిన
సినిమా హిట్లర్.