2000 సంవత్సరంలో ‘యువకుడు’ సినిమాతో టాలీవుడ్ కి గ్రాండ్ ఎంట్రీ ఇచ్చింది భూమిక. ఆ సినిమా తర్వాత సంవత్సరమే పవన్ కళ్యాణ్ తో ‘ఖుషీ’ సినిమాలో హీరోయిన్ గా నటించి మెప్పించింది. ఈ సినిమా సూపర్ హిట్ అవటంతో భూమికకు వెనక్కి తిరిగి చూసుకునే అవసరం లేకపోయిందట. అయితే ‘ఖుషీ’ సినిమా పవన్ కి 7వ సినిమా అని తెలుస్తుంది. ఆ తర్వాత 2003 సంవత్సరంలో మహేశ్ బాబుతో ‘ఒక్కడు’ మరియు ఎన్టీఆర్ తో ‘సింహాద్రి’ సినిమాల్లోనూ హీరోయిన్ గా నటించింది భూమిక. ఆ సినిమాలు మహేశ్, ఎన్టీఆర్ కి 7వ సినిమాలు కావటం అవి రెండు కూడా సూపర్ డూపర్ హిట్ కావటం విశేషం. ఇలా ముగ్గురు హీరోల 7వ సినిమాలు బ్లాక్ బస్టర్ హిట్స్ కావటం. అందులో భూమిక హీరోయిన్ కావటమే అసలు సిసలు ట్విస్ట్ అని సినీ పరిశ్రమలో అందరూ అనుకుంటారు.
ఇక తరువాత విషయానికి వస్తే 2014 సంవత్సరంలో ‘ఒక లైలా కోసం’ సినిమాలో టాలీవుడ్ కి గ్రాండ్ గా ఎంట్రీ ఇచ్చింది పూజా హేగ్డే. ఆ తర్వాత వరుసగా సినిమాలు చేస్తూ తెలుగునాట స్టార్ హీరోయిన్ స్థాయిని సంపాదించుకుంది. 2018 సంవత్సరంలో ఎన్టీఆర్ తో ‘అరవింద సమేత వీరరాఘవ’ సినిమాలో హీరోయిన్ గా నటించటం జరిగింది. ఆ సినిమా సూపర్ హిట్ కావటం జరిగింది. ఈ సినిమాలో హీరోగా ఎన్టీఆర్ కి 28వ చిత్రమని తెలుస్తుంది. గత సంవత్సరం ఇండస్ట్రీ హిట్ గా నిలిచిన ‘అల వైకుంఠపురం’లోనూ పూజనే హీరోయిన్ గా నటించింది. వాటితో పాటు త్రివిక్రమ్ దర్శకత్వంలో మహేశ్ బాబు నటించే సినిమాలోనూ అలాగే హరీశ్ శంకర్ దర్శకత్వంలో పవన్ కళ్యాణ్ నటించే సినిమాలోనూ పూజనే హీరోయిన్ గా ఫిక్స్ అయిందని సమాచారం. ఈ రెండు సినిమాలు మహేశ్, పవన్ కళ్యాణ్ కి 28వ సినిమాలు కావటం యాధృచ్చకం. అప్పట్లో ఈ ముగ్గురు హీరోల 7వ సినిమాలో భూమిక హీరోయిన్ అయింది. ఇప్పుడు 28వ సినిమాలో పూజా హేగ్డే కథానాయిక అయింది. అప్పుడు భూమిక నటించిన ఈ ముగ్గురు హీరోల సినిమా సూపర్ హిట్ అయ్యాయని అందరికి తెలుసు. ఇప్పుడు పూజ నటించిన ఎన్టీఆర్ 28వ సినిమా ‘అరవింద సమేత’ ఘనవిజయం సాధించింది. అదే సెంటిమెంట్ గా మహేశ్, పవన్ సినిమాలు కూడా సూపర్ హిట్ అవుతాయి అని వారి అభిమానులు కోరుకుంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి