ఇటీవలే వకీల్ సాబ్ సినిమాతో అదిరిపోయే రీఎంట్రీ ఇచ్చి భారీ హిట్ అందుకున్న పవన్ కళ్యాణ్... ప్రస్తుతం వరుస సినిమాలు చేస్తూ బిజీ బిజీగా గడుపుతున్న సంగతి తెలిసిందే.ప్రస్తుతం ఓ పక్క మలయాళ రీమేక్ అయ్యప్పనున్ కోషియం రీమేక్ అయిన'భీమ్లా నాయక్' షూటింగ్ తో బిజీగా ఉంటూనే..మరోపక్క క్రిష్ దర్శకత్వంలో 'హరిహర వీరమల్లు' సినిమా కూడా చేస్తున్నాడు. ఈ సినిమా షూటింగ్ కూడా కొంత వరకు పూర్తయింది.ఈ రెండు సినిమాలు 2022 లో రిలీజ్ కి ముస్తాబవుతున్నాయి.ఇప్పటికే ఈ రెండు సినిమాలకు సంబంధించి రిలీజ్ డేట్స్ ని అఫీషియల్ గా అనౌన్స్ చేశారు కానీ..అప్పటి పరిస్థితులు ఎలా ఉంటాయో దాన్ని బట్టే ఆ రిలీజ్ డేట్స్ ఫైనల్ అవుతాయి.

ఇక ఈ రెండు సినిమాలతో పాటుగా పవన్ కళ్యాణ్ తన 28 వ చిత్రాన్ని హరీష్ శంకర్ దర్శకత్వంలో చేస్తున్నాడు.అగ్ర నిర్మాణ సంస్థ మైత్రీ మూవీ మేకర్స్ ఈ సినిమాని నిర్మిస్తున్నారు.దీంతో పాటు సురేందర్ రెడ్డి దర్శకత్వంలో కూడా ఓ సినిమా చేయడానికి గ్రీన్ సిగ్నల్ ఇచ్చాడు పవన్.అది పవన్ కళ్యాణ్ కి 29 వ సినిమా.ఇక 28,29 సినిమాలు ఇంకా మొదలు కాకముందే పవన్ తన 30 వ సినిమా గురించి ప్లాన్ చేసుకుంటున్నట్లు ఇండ్రస్టీ వర్గాలు అంటున్నాయి.ఇక ఆ వివరాల్లోకి వెళ్తే..పవన్ 30 వ సినిమా తనకు అత్యంత సన్నిహితుడు అయిన త్రివిక్రమ్ దర్శకత్వంలోనే చేయనున్నట్లు తెలుస్తోంది.త్రివిక్రమ్ దగ్గర పవన్ కి సరిగ్గా సూట్ అయ్యే ఓ కథ ఉంది.

దానికి పవన్ కూడా ఓకే చెప్పడం జరిగింది.అయితే దీనిని పాన్ ఇండియా స్థాయిలో తెరకెక్కించాలనేది త్రివిక్రమ్ ఆలోచనగా తెలుస్తోంది.పవన్ కళ్యాణ్ సొంత బ్యానర్ అయిన 'పవన్ కళ్యాణ్ క్రియేటివ్ వర్క్స్' సమర్పణలో 'హారికా హాసిని క్రియేషన్స్ 'వారు ఈ కాంబోని నిర్మించడానికి ప్లాన్ చేస్తున్నారు.అంతేకాదు 'పీపుల్స్ మీడియా ఫ్యాక్టరీ' వారు కూడా ఈ ప్రాజెక్ట్ లో భాగమయ్యే అవకాశం ఉందట.ఇక పవన్, త్రివిక్రమ్ కాంబినేషన్ కోసం ఫ్యాన్స్ ఎప్పటినుంచో ఎదురుచూస్తున్నారు.గతంలో వీరిద్దరి కాంబినేషన్లో 'జల్సా' సూపర్ హిట్ అవ్వగా..'ఆ తర్వాత వచ్చిన 'అత్తారింటికి దారేది' మూవీ ఇండ్రస్టీ హిట్ సాధించింది.ఇక ఆ తర్వాత వీరి కాంబోలో హ్యాట్రిక్ సినిమాగా వచ్చిన'అజ్ఞాత వాసి' మాత్రం డిజాస్టర్ గా నిలిచింది.అయినా కూడా వీరి కాంబినేషన్ కి ఏమాత్రం క్రేజ్ తగ్గలేదు.మొత్తానికి పవన్ 30 సినిమా మాత్రం త్రివిక్రమ్ దర్శకత్వంలో నే ఉండబోతోందన్నమాట...!!
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pawan Kalyan

Anilkumar

04/09/2021 08:05 PM