2005నుంచి ప్రేక్షకులను సంగీత లోకంలో విహరింపజేస్తున్న శ్రీరామచంద్ర.. 2010లో ఇండియన్ ఐడల్ లో విజయం సాధించాడు. దీంతో ఆయనకు దేశవ్యాప్తంగా గుర్తింపు వచ్చింది. ఈ ప్రోగ్రామ్ కు గెస్ట్ గా వచ్చిన వాళ్లు ఆయన పాటలకు ఆకర్షితులై.. శ్రీరామచంద్రతో కలిసి స్టెప్పులేశారు. పలువురు బాలీవుడ్ ప్రముఖులు శ్రీరామచంద్రకు అభిమానులైపోయారు. అంతేకాదు ప్రముఖ సంగీత దర్శకులు సైతం శ్రీరామచంద్రను పొగడ్తలతో ముంచెత్తారు. ఇప్పటి వరకు శ్రీరామచంద్ర రెండు వందలకు పైగా పాటలు పాడి ప్రేక్షకులను ఉర్రూతలూగించాడు.
మరోవైపు గాయకుడి గానే కాదు.. నటుడిగా తనకంటూ ప్రత్యేకత సంపాదించుకున్నాడు. శ్రీ జగద్గురు ఆది శంకరా, ప్రేమ గీమ జాన్‌తా నయ్ చిత్రాల్లో హీరోగా నటించారు. పలు ప్రకటనల్లో నటించడంతో పాటు.. పలువురు నటులకు గొంతు అరువిచ్చాడు. శ్రీరామచంద్ర ప్రతిభా పాటవాలకు పలు పురస్కారాలు కూడా వరించాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి