అయితే ఆ డైరెక్టర్ ని తిట్టిన నటి ఎవరో కాదు.. ఒకప్పుడు తెలుగు సినీ ఇండస్ట్రీలో నటించి గుర్తింపు తెచ్చుకున్న రాణి అలియాస్ రక్ష. ఆమె నచ్చావులే సినిమాలో తనిష్క్ తల్లి పాత్రలో నటించారు. అంతేకాదు.. ప్రేమలేఖ సినిమా ద్వారా తెలుగు సినీ ఇండస్ట్రీ లోకి అడుగుపెట్టిన రక్ష మంచి పేరు సంపాదించుకుంది. ఆమె తెలుగుతో పాటు తమిళ, కన్నడ, హిందీ భాషలలో కూడా రాణించారు.
ఇక రక్ష పంచదార చిలక, అడవి చుక్క, పవిత్ర ప్రేమ వంటి పలు సినిమాలలో దాదాపు 30కి పైగా సినిమాలలో నటించారు. ఆ తరువాత సినీ ఇండస్ట్రీకి దూరమైంది ఈ భామ. ఇండస్ట్రీకి తల్లి పాత్రతో రీ ఎంట్రీ ఇచ్చింది. ఇక ఇదిలా ఉంటే ఈమె కొన్ని ఏళ్ళ కిందట డైరెక్టర్ ను చెంప పగలకొట్టిందట.
కాగా.. ఒకసారి బి.గోపాల్ దర్శకత్వంలో రూపొందుతున్న రవన్న సినిమా షూటింగ్ సమయంలో తను చెన్నై నుంచి హైదరాబాద్ కు విమానంలో వస్తుంటే, పక్కన ఓ పెద్దాయన కూర్చొని తనపై అసభ్యంగా ప్రవర్తించాడని తెలియజేసింది. అయితే తనకు కోపం రావడంతో ఈ వయసులో ఇదేం పనిరా అంటూ అక్కడే అతడి చెంప పగలగొట్టానని వెల్లడించింది. అంతేకాక.. తమిళ దర్శకుడు తనకు కథ చెప్పినప్పుడు పెళ్లయిందని, గ్లామర్ పాత్రలు చేయనని క్లియర్ గా చెప్పారంట.