ఇక అలా హీరోగా ఎదిగిన జూనియర్ ఎన్టీఆర్ ఎన్నో మాస్ చిత్రాలలో నటించి, ఒక ప్రత్యేకమైన క్రేజ్ను సొంతం చేసుకున్నారు. ఇకపోతే 2017 వ సంవత్సరం లో మొదటి సారి త్రిపాత్రాభినయం చేసి ప్రేక్షకులకు బాగా దగ్గరైన సినిమా జై లవకుశ.. అప్పటివరకు నష్టాల్లో కూరుకుపోయి, ఆర్థిక ఇబ్బందులతో సతమతమవుతున్న తన అన్నయ్య నందమూరి కళ్యాణ్ రామ్ కు ఈ సినిమా కలెక్షన్ల వర్షం కురిపించింది. రాశిఖన్నా , నివేదా థామస్ హీరోయిన్లుగా నటించగా జూనియర్ ఎన్టీఆర్ మూడు పాత్రలలో నటించి అందరినీ అలరించాడు.
అంతేకాదు హిందీ చలనచిత్ర అలాగే టెలివిజన్ నటుడు అయిన రోనిత్ రాయ్ మొదటిసారి విలన్ గా తెలుగు తెరకు పరిచయం కావడం గమనార్హం.. ఈ చిత్రాన్ని ఎన్టీఆర్ ఆర్ట్స్ బ్యానర్ పై నందమూరి కళ్యాణ్ రామ్ నిర్మించిన విషయం ప్రతి ఒక్కరికి తెలిసిందే. ఇక జై లవ కుశ సినిమాకు దేవిశ్రీప్రసాద్ మ్యూజిక్ డైరెక్టర్ గా పని చేశారు. ఇక ఈ సినిమా విడుదల అయి బాక్సాఫీసు వద్ద ఏకంగా రూ.130 కోట్లకు పైగా కలెక్షన్లను రాబట్టి ఇండస్ట్రీ హిట్ గా నిలిచింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి