ఆ విధంగా బాగా అంచనాలతో నేడు విడుదలైన శ్యామ్ సింగ రాయ్ మూవీ అందరి నుండి సూపర్ టాక్ ని సొంతం చేసుకుని కొనసాగుతోంది. దర్శకుడు రాహుల్ అద్భుత దర్శకత్వ ప్రతిభ, నటుడిగా రెండు పాత్రల్లో హీరో నాని అత్యద్భుతమైన నటన సినిమా సక్సెస్ కి ప్రధాన కారణాలుగా చెప్తున్నారు. అలానే సినిమా సెకండ్ హాఫ్ లో వచ్చే సాయి పల్లవి క్యారెక్టర్, సాంగ్స్ సినిమాకి మరింతగా బలాన్నిచ్చాయని, ఫోటోగ్రఫి, విజువల్స్, బీజీఎమ్ కూడా ఎంతో బాగున్నాయని పలువురు ఈ సినిమా చూసిన ప్రేక్షకుల అభిప్రాయపడుతున్నారు.
కథ, కథనాల పరంగా ఎక్కడా కూడా కథని ప్రక్క దారి పట్టించకుండా దర్శకుడు ఈ సినిమాని తీయగా మంచి ఎమోషన్ తో కూడిన హెవీ యాక్షన్ తో తెరకెక్కిన ఈ శ్యామ్ సింగ రాయ్ మూవీ రానున్న రోజుల్లో మరింతగా అన్ని వర్గాల వారిని ఆకట్టుకోవడం ఖాయం అని మరికొందరు ప్రేక్షకులు అంటున్నారు. ఇక ఇటీవల కెరీర్ పరంగా ఆశించిన స్థాయి విజయాన్ని అందుకోలేకపోయిన నాని, ఈ మూవీ సక్సెస్ ద్వారా మొత్తంగా తన ఫ్యాన్స్ ని ఫుల్ గా ఖుషి చేసారని తెలుస్తోంది. మరోవైపు తమ సినిమాకి సక్సెస్ టాక్ రావడంతో మూవీ యూనిట్ సంతోషాన్ని వ్యక్తం చేస్తుండగా అటు పలువురు సినిమా ప్రముఖులు కూడా దీనిపై ప్రశంసలు కురిపిస్తూ పాజిటివ్ గా సోషల్ మీడియా మాధ్యమాల్లో పోస్టులు చేస్తూ ఉండడం శ్యామ్ సింగ రాయ్ సక్సెస్ కి మరింతగా బలాన్ని చేకూరుస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి