మాస్ మహారాజా రవితేజ ప్రస్తుతం వరుస సినిమాల్లో నటిస్తున్న విషయం మన అందరికి తెలిసిందే, అందులో భాగంగా రవితేజ ప్రస్తుతం నటిస్తున్న సినిమా రావణాసుర, ఈ సినిమాకు సుధీర్ వర్మ దర్శకత్వం వహిస్తున్నాడు. ఈ సినిమా లాంచింగ్ కార్యక్రమం కూడా కొన్ని రోజుల క్రితమే పూర్తి అయ్యింది, ఈ సినిమాలో అనూ ఇమాన్యుల్, ఫారియా అబ్దుల్లా, మేఘ ఆకాష్,  పూజితా పొన్నాడా, దక్ష నగర్కార్ ముఖ్య పాత్రల్లో కనిపించబోతున్నారు. ఇప్పటికే ఈ సినిమా నుండి కొన్ని పోస్టర్ లను చిత్ర బృందం విడుదల చేయగా వీటికి జనాల నుండి మంచి రెస్పాన్స్ రావడం మాత్రమే కాకుండా ఈ సినిమాపై కూడా అంచనాలను పెంచేశాయి, ఇప్పటివరకు రావణాసుర చిత్ర బృందం విడుదల చేసిన పోస్టర్ లను పరిశీలిస్తే ఈ సినిమాలో రవితేజ లాయర్ పాత్రలో కనిపించబోతున్నట్లు తెలుస్తోంది, అయితే తాజాగా ఈ సినిమాకు సంబంధించిన ఓ ఆసక్తికరమైన వార్త సోషల్ మీడియాలో తెగ వైరల్ అవుతుంది.

ఈ సినిమాలో రవితేజ నెగటివ్ షేడ్స్ ఉన్న పాత్రలో కనిపించబోతున్నాడు అంటు ఒక వార్త సోషల్ మీడియాలో తెగ వైరల్ అవుతుంది,  అలాగే సుశాంత్ కూడా ఈ సినిమాలో ఒక ముఖ్య పాత్రలో కనిపించబోతున్నాడు. రవితేజ ఈ సినిమాతో పాటు ఇప్పటికే ఖిలాడి సినిమా షూటింగ్ ను దాదాపుగా పూర్తి చేశాడు, ఈ సినిమాకు రమేష్ వర్మ దర్శకత్వం వహించగా ఈ సినిమాలో రవితేజ సరసన డింపుల్ హయాతి, చౌదరి హీరోయిన్ లుగా నటిస్తున్నారు, ఖిలాడి సినిమాను ఫిబ్రవరి 11 వ తేదీన విడుదల చేయబోతున్నట్లు చిత్ర బృందం తెలియజేసింది. రవితేజ ఈ సినిమాలతో పాటు రామారావు ఆన్ డ్యూటీ సినిమాలో కూడా హీరోగా నటిస్తున్నాడు, అలాగే త్రినాధరావు నక్కిన దర్శకత్వంలో ధమాకా సినిమాలో కూడా రవితేజ నటించబోతున్నాడు, అలాగే టైగర్ నాగేశ్వరరావు సినిమాలో కూడా రవితేజ నటించబోతున్నాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

30/01/2022 09:30 AM