ఐశ్వర్యారాయ్‌ లాగే మరో మాజీ మిస్ వరల్డ్‌ ప్రియాంక చోప్రా కూడా బాడీ షేమింగ్‌ని ఫేస్ చేసింది. అందం తెలివితేటలతో 2000లో మిస్ వరల్డ్‌ టైటిల్‌ గెలుచుకున్న ప్రియాంక ఆ తర్వాత సినిమాల్లోకి వచ్చింది. అయితే కెరీర్ బిగినింగ్‌లో బ్రౌన్‌ స్కిన్‌ అని అవకాశాలు ఇచ్చేవాళ్లు కాదట. తర్వాత నటిగా ప్రూవ్‌ చేసుకొని ఇండియన్ సినిమాలతో పాటు హాలీవుడ్‌లోనూ మెరిసింది.విద్యా బాలన్‌ యాక్టింగ్‌కి నేషనల్ అవార్డ్‌ కూడా వచ్చింది. బోల్డన్ని పురస్కారాలు అందుకుంది. కానీ జనాలు మాత్రం విద్య బరువు పెరిగినప్పుడు ఘోరంగా విమర్శించారు. 'భూల్ బులాయా' కోసం బరువు పెరిగినప్పుడు బాడీ షేమింగ్‌ని ఫేస్ చేసింది. కానీ విద్య మాత్రం విమర్శలని పట్టించుకోలేదు. 'డర్టీ పిక్చర్' కోసం మరింత వెయిట్‌ పెరిగింది.
సొనాక్షి సిన్హా హీరోయిన్‌గా 12 ఏళ్లు పూర్తి చేసుకుంది. ఇప్పటికీ భారీ ప్రాజెక్టుల్లో అవకాశాలు అందుకుంటూనే ఉంది. అయితే 2010లో 'దబాంగ్'తో హీరోయిన్‌గా ఎంట్రీ ఇచ్చినప్పుడు చాలా విమర్శలొచ్చాయి. సొనాక్షి ఫేస్‌కి హీరోయిన్ ఏంటి అని ట్రోల్ చేశారు. కానీ సొనాక్షి కంటెంట్‌తో బాడీ షేమింగ్‌ని ఎటాక్‌ చేసింది. ఇన్‌స్టాగ్రామ్‌లో కూడా యంగ్‌ఏజ్‌కి రాగానే ఎందుకు బరువు తగ్గాలని ప్రయత్నిస్తారు.. పక్కనోళ్లు ఏమనుకుంటారో అనే ఇన్‌ఫీరియారిటీ కాంప్లెక్స్‌ నుంచి బయటపడండని పెద్ద పోస్ట్‌ పెట్టింది సొనాక్షి. హ్యూమా ఖురేషి హిందీ సినిమాలతో పాటు తమిళ్, ఇంగ్లీష్‌ ఫిల్మ్స్‌లోనూ నటించింది. అయితే సూపర్ టాలెంటెడ్‌ అని ప్రూవ్‌ చేసుకున్నా, హ్యూమా వెయిట్‌పై చాలా విమర్శలొచ్చాయి. హ్యూమా సినిమా సినిమాకి బరువు పెరుగుతోందని, హీరోయిన్ కటౌట్‌ కాదనే కామెంట్స్ ఫేస్ చేసింది. ఈ బాడీ షేమింగ్‌పై హ్యూమా కూడా రియాక్ట్ అయింది. తనను తాను ఇష్టపడుతున్నప్పుడు, ఇతరుల వాళ్ల ఒపీనియన్‌ని పట్టించుకోనని స్టేట్ మెంట్ ఇచ్చింది.
బాలీవుడ్‌లో టాప్ హాట్‌ హీరోయిన్స్‌లో లిస్ట్‌లో ముందుంటుంది బిపాసా బసు. బోల్డ్‌ రోల్స్‌తో వెండితెరకి వేడి పుట్టించిన బిపాసా కలర్‌పైనా కామెంట్స్ వచ్చాయి. కరీనా కపూర్‌ ఒకసారి 'బిపాసా ఈజ్‌ ఎ కల్లీ బిల్లీ' అని కామెంట్ చేసింది. ఇది బాలీవుడ్‌లో పెద్ద దుమారం కూడా రేపింది.కృతిసనన్ ఇప్పుడు బాలీవుడ్‌లో వన్ ఆఫ్ ది టాప్ హీరోయిన్. 'ఆదిపురుష్, షెహజాదే' లాంటి సినిమాలతో స్వింగ్‌లో ఉంది. అయితే 'రాబ్తా' తర్వాత కృతిసనన్ 'ముబారకన్' సినిమాని ప్రమోట్‌ చేస్తూ ఒక డాన్స్ వీడియో పోస్ట్‌ చేసింది. దీనికి బాలీవుడ్ నటి భైరవి గోస్వామి డీ-గ్రేడ్ కామెంట్ పెట్టింది. హెడ్‌లైట్స్, బంపర్‌ లేని బండిలా ఉంది. అసలు హీరోయిన్ ఎలా అయ్యింది. ఈమె కంటే కాలేజ్‌ స్టూడెంట్స్‌ బావుంటారని విమర్శించింది. షారుక్ ఖాన్ కూతురు సుహానా ఖాన్ ఎంట్రీ గురించి న్యూస్ వచ్చినప్పటి నుంచి బాలీవుడ్ మొత్తం ఈమె సినిమా కోసం ఎదురుచూస్తోంది. షారుక్ కూతురు ఎలా చేస్తుందో అని చర్చించుకుంటున్నారు. అయితే నెటిజన్లు మాత్రం సుహానా కలర్‌పైన కామెంట్ చేస్తున్నారు. డార్క్‌ స్కిన్‌, కాలీ అని విమర్శిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి