పుష్ప విడుదలకు ముందే మన స్టార్ దర్శకులలో కొందరు పాన్ ఇండియా చిత్రాలకు సిద్ధమయ్యారట.. దర్శకధీరుడు అయిన రాజమౌళి వేసిన దారిని తెలుగు సినిమాకు రహదారిగా మార్చే పనిలో ఉన్నారట.పుష్ప సక్సెస్ తో రాజమౌళి తర్వాత బాలీవుడ్ లో విజయం సాధించిన డైరెక్టర్ గా సుకుమార్ రికార్డులకు ఎక్కారని తెలుస్తుంది.
అలాగే డైనమిక్ డైరెక్టర్ పూరి జగన్నాధ్ హిందీ చిత్రాలకు కూడా దర్శకత్వం కూడా వహించారు. ఆయన బిగ్ బి అమితాబ్ తో బుడ్డా హోగా తేరా బాప్ అనే చిత్రం కూడా చేశారు. ఇక లైగర్ మూవీతో పాన్ ఇండియా దర్శకుడిగా ఆయన మారనున్నారు. కొరటాల శివ ఎన్టీఆర్ 30వ చిత్రంతో మరియు క్రిష్ హరి హర వీరమల్లు మూవీతో… హిందీ బెల్టులో తమ అదృష్టం పరీక్షించుకోనున్నారట.. దర్శకుడు త్రివిక్రమ్ మాత్రం ఈ విషయంలో వెనుకబడ్డారనిపిస్తుంది. అరవింద సమేత మరియు అల వైకుంఠపురంలో వంటి బ్యాక్ టు బ్యాక్ హిట్స్ అందుకుని స్టార్ డైరెక్టర్స్ లిస్ట్ లో టాప్ 3 లో ఉన్న త్రివిక్రమ్ ఈ దిశగా ఆలోచన చేయకపోవడం మాత్రం ఆశ్చర్యం వేస్తుంది.
అదే సమయంలో త్రివిక్రమ్ చిత్రాలు పాన్ ఇండియా స్థాయిలో విజయం సాధిస్తాయా అనే సందేహం కూడా కలుగుతుంది. ఎందుకంటే త్రివిక్రమ్ మన తెలుగు నేటివిటీని ప్రతిబింబించేలా కుటుంబ కథా చిత్రాలు చేస్తారని త్రివిక్రమ్ చిత్రాలను నిశితంగా పరిశీలిస్తే 70ల నాటి కథలకు జస్ట్ మోడ్రన్ టచ్ ఇచ్చినట్లు ఉంటాయని ఫ్యామిలీ ఎమోషన్స్ కి తన మార్కు మాటలు జోడించి తెలుగు ప్రేక్షకులను కట్టిపడేస్తాడు త్రివిక్రమ్ . ఆయన కథలు చాలా సాదాసీదా ఉంటాయి. త్రివిక్రమ్ కెరీర్ లో బిగ్గెస్ట్ హిట్స్ గా నిలిచిన అత్తారింటికి దారేది మరియు అల వైకుంఠపురంలో చిత్రాలు పూర్తిగా కుటుంబ కథా చిత్రాలు కావడం విశేషం.
ఈ తరహా సబ్జక్ట్స్ పాన్ ఇండియా స్థాయిలో విజయం సాధిస్తాయా..?మన తెలుగు నేటివిటీతో కూడిన కథలు మరియు నేపధ్యాలూ హిందీ జనాలకు ఎక్కుతాయా? అంటే అనుమానమేనని ఒక భాషలో విజయం సాధించిన చిత్రాలు మరొక భాషలో అట్టర్ ప్లాప్ అయిన సందర్భాలు కూడా అనేకం. కారణం నేటివిటీ, అలాగే నేపథ్యంలో ఉన్న తారతమ్యాలని తెలుస్తుంది.
పాన్ ఇండియా చిత్రాల నేపథ్యం యూనివర్సలై ఉండాలి అన్ని భాషల మరియు ప్రాంతాల ప్రజలకు ఎక్కే విధంగా జాగ్రత్తలు తీసుకోవాలని త్రివిక్రమ్ చిత్రాలకు ఇది పెద్ద మైనస్ కాగా తన మార్కు కథలతో అక్కడ ఆయన విజయం సాధిస్తారా? అనేది ఒక ప్రశ్నగా మారింది.. దీనికి సమాధానం అల వైకుంఠపురంలో చిత్రంతో దొరకవచ్చని అల వైకుంఠపురంలో మూవీ ఫిబ్రవరి 6న హిందీ వర్షన్ థియేటర్స్ లో విడుదల అవుతుందట.. దీని సక్సెస్ ఆధారంగా త్రివిక్రమ్ పాన్ ఇండియా భవిష్యత్ అంచనా వేయవచ్చని తెలుస్తుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి