తొలిసారిగా టాలీవుడ్ టాప్ స్టార్స్ యంగ్ టైగర్ ఎన్టీఆర్, మెగాపవర్ స్టార్ రామ్ చరణ్ కలిసి నటిస్తున్న సినిమా కావడంతో మెగాఫ్యాన్స్, నందమూరి ఫ్యాన్స్ మూవీ పక్కాగా బ్లాక్ బస్టర్ అని నమ్ముతున్నారు. ఇక దర్శకదిగ్గజం ఎస్ ఎస్ రాజమౌళి ఎంతో గ్యాప్ తరువాత తీస్తున్న మూవీ కావడంతో ఆర్ఆర్ఆర్ పై ఈ విధంగా అందరిలో ఊహించని రీతిలో హైప్ వచ్చింది. ఒలీవియా మోరిస్, అలియా భట్ హీరోయిన్స్ గా నటించిన ఈ సినిమాలో రామ్ చరణ్ అల్లూరి సీతారామరాజుగా, ఎన్టీఆర్ కొమురం భీం గా నటించగా ఇతర పాత్రల్లో అజయ్ దేవగన్, శ్రియ, రాజీవ్ కనకాల, రే స్టీవెన్సన్, ఆలిసన్ డూడీ, తదితరులు నటిస్తున్నారు. ఇప్పటికే రిలీజ్ పరంగా కరోనా కారణంగా పలుమార్లు వాయిదా పడ్డ ఆర్ఆర్ఆర్ సినిమా పక్కాగా ఈ నెల 25న ప్రపంచవ్యాప్తంగా ఆడియన్స్ ముందుకు రానుంది.
అతి త్వరలో ఈ సినిమాకి సంబంధించి ప్రమోషన్స్ కూడా మొదలెట్టనున్న యూనిట్, తెలుగు ఆడియన్స్ కోసం త్వరలో గ్రాండ్ గా ప్రీ రిలీజ్ ఈవెంట్ కూడా ప్లాన్ చేస్తున్నట్లు టాక్. అయితే విషయం ఏమిటంటే, ఈ సినిమాకి సంబంధించి పలు టాలీవుడ్ ఇన్నర్ వర్గాల సమాచారం ప్రకారం ఇప్పటివరకు మన దేశంలోని చాలా ఏరియాల్లో బాహుబలి 2 మూవీ రికార్డ్స్ ఇంకా పదిలంగానే ఉన్నాయని, పక్కాగా ఆ రికార్డ్స్ ని బద్దలు కొట్టడంతో పాటు దాదాపుగా అనేక ఏరియాల్లో ఆర్ఆర్ఆర్ మూవీ రిలీజ్ తరువాత గొప్ప సంచలన రికార్డ్స్ నమోదు చేసే ఛాన్స్ ఉందని, ఆ విధంగా దర్శకుడు రాజమౌళి సినిమాని ఎంతో గ్రాండియర్ రేంజ్ లో తీసారని సమాచారం. ఇక హీరోలిద్దరి పెర్ఫార్మన్స్ స్క్రీన్ పై అదిరిపోయిందని, సినిమాలో అనేక గూస్ బంప్స్ తెప్పించే సీన్స్ ఉన్నాయని, రేపు థియేటర్స్ లో ఆ సీన్స్ కి ఆడియన్స్ చేసే రచ్చ ఊహించని స్థాయిలో ఉంటుందని టాక్. మొత్తంగా దీనిని బట్టి చూస్తుంటే రిలీజ్ తరువాత ఆర్ఆర్ఆర్ మూవీ ఆడ కాదు ఈడ కాదు, యాడైనా బాక్సాఫీస్ కలెక్షన్స్ రికార్డ్స్ తో చెడుగుడు ఆడడం ఖాయంగా కనిపిస్తోంది. మరి ఈ మూవీ ప్రభంజనాన్ని చూడాలి అంటే మరొక రెండు వారాలకు పైగా ఓపికపట్టాల్సిందే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి