ఇప్పుడు ఆర్.ఆర్.ఆర్ సినిమా ముందు ఏ సినిమా కూడా నిలబడటం లేదు అని చెప్పడానికి ఇది ఒక చక్కని ఉదాహరణ. ప్రపంచవ్యాప్తంగా అద్భుతమైన వసూళ్లను రాబడుతోంది ఆర్ ఆర్ ఆర్. హాలీవుడ్ మేకర్స్ ను సైతం తనవైపు తిప్పుకుంది. ఎన్టీఆర్ మరియు రామ్ చరణ్ హీరోలుగా నటించిన ఈ సినిమాకు రాజమౌళి దర్శకత్వం వహించగా భారీ స్థాయిలో ఈ సినిమా ప్రేక్షకులను ఆకట్టుకుంటోంది. ముఖ్యంగా నార్త్ ఇండియాలో ఈ సినిమా భారీ కలెక్షన్లతో దూసుకుపోతుంది. ఆ విధంగా ఈ సినిమా విడుదల పది రోజులు కావస్తున్నా కూడా కలెక్షన్ల విషయంలో మాత్రం ఏమాత్రం తగ్గడం లేదు.
ఈ నేపథ్యంలోనే తాజాగా బాలీవుడ్ సినిమా పరిశ్రమ నుంచి వచ్చిన ఓ పెద్ద సినిమా ఆర్.ఆర్.ఆర్ సినిమా పై ప్రభావం చూపుతుందని అందరూ భావించారు. కానీ ఆ సినిమా ఓపెనింగ్ డే రోజునే ఆర్ఆర్ఆర్ సినిమా ను ఇబ్బంది పెట్టలేకపోయింది. జాన్ అబ్రహం మరియు రకుల్ ప్రీత్ సింగ్ నటించిన ఎటాక్ పెద్ద బడ్జెట్ తో తెరకెక్కగా ఈ శుక్రవారం సినిమా విడుదల ఉండడంతో తమ సినిమా వసూళ్లపై ప్రభావం పడుతుందని ఆర్.ఆర్.ఆర్ చిత్ర యూనిట్ భావించింది. అయితే విడుదల రోజున కనీసం దరిదాపుల్లోకి కూడా రాలేకపోయింది.
ఆ విధంగా మొదటి రోజున డల్ గా ప్రారంభించిన ఎటాక్ సినిమా కంటెంట్ పరంగా కూడా ప్రేక్షకులను పెద్దగా ఆకట్టుకోలేకపోయింది. శుక్రవారం రోజున కేవలం మూడున్నర కోట్ల రూపాయలను మాత్రమే రాబట్టింది ఈ సినిమా. ఆర్.ఆర్.ఆర్ సినిమా ఎనిమిదవ రోజు కలెక్షన్స్ లో ఇది 26 శాతం మాత్రమే. అలా ఎనిమిదవ రోజు 13 కోట్ల రూపాయలతో టాప్ పొజిషన్ లో ఉంది ఈ చిత్రం. హిందీ లో 150 కోట్ల మార్కును క్రాస్ చేయబోతున్నట్లు ట్రేడ్ వర్గాలు చెబుతున్నాయి. తాజాగా తెలుగు సినిమాలలో నటించను అని జాన్ అబ్రహం చేసిన వ్యాఖ్యలు దుమారం రేపుతున్న నేపథ్యంలో హైదరాబాద్ లో ఈ సినిమా చూడడానికి ప్రేక్షకులు ఎక్కువగా ఆసక్తి కనబరచలేదు అనే కామెంట్లు వినిపిస్తున్నాయి. నేనొక హిందీ యాక్టర్ నీ తెలుగు లేదా మరొక ప్రాంతీయ భాషలో నేను ఎప్పటికీ నటించను అని ఆయన వ్యాఖ్యానించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి