రాజమౌళి డైరెక్షన్ లో తెరకెక్కిన ఆర్ఆర్ఆర్ మూవీ విడుదలకు ముందు విడుదల తర్వాత బాక్సాఫీస్ వద్ద భారీ రికార్డులను సొంతం చేసుకుంటోంది. బుక్ మై షోలో తాజాగా ఈ సినిమా మరో రికార్డును కూడా క్రియేట్ చేసింది.

రౌద్రం రణం రుధిరం పేరుతో ఈ సినిమా తెరకెక్కగా భాషతో సంబంధం లేకుండా అన్ని భాషల్లో కూడా ఈ సినిమా బ్లాక్ బస్టర్ హిట్ గా నిలిచింది. రామరాజు, భీమ్ పాత్రలలో చరణ్, తారక్ మినహా మరెవరినీ ఊహించుకోలేమని నెటిజన్లు అయితే కామెంట్లు చేస్తున్నారు.

ఈ సినిమాలో నటించిన అలియా భట్, ఒలీవియా మోరిస్ లకు కూడా ఈ సినిమా సక్సెస్ కెరీర్ పరంగా ప్లస్ అయిందనే విషయం తెలిసిందే. అలియా భట్ కు ఆర్ఆర్ఆర్ క్రేజ్ తో తెలుగులో మరికొన్ని సినిమాలలో కూడా ఆఫర్లు వస్తున్నాయి. అయితే తెలుగులో ఆర్ఆర్ఆర్ సినిమాకు ఇప్పటివరకు 5,71,000 కంటే ఎక్కువమంది రేటింగ్ ఇవ్వడం విశేషం. ఈ సినిమా బుక్ మై షోలో 90 శాతానికి పైగా రేటింగ్ ను సొంతం చేసుకుందట.

ఆర్ఆర్ఆర్ మూవీ అరుదైన రికార్డులను సొంతం చేసుకోవడంపై చరణ్, తారక్ అభిమానులు సంతోషం వ్యక్తం చేస్తున్నారట..ఆర్ఆర్ఆర్ సినిమాకు మాత్రం కొందరు కావాలని నెగిటివ్ ప్రచారం చేస్తున్నారట.

ఆర్ఆర్ఆర్ సినిమా ఫుల్ రన్ లో ఈ సినిమాను కొనుగోలు చేసిన డిస్ట్రిబ్యూటర్లందరికీ భారీ లాభాలను అందిస్తుందనడంలో సందేహం అయితే లేదు. అయితే బాహుబలి2 స్థాయిలో మాత్రం ఈ సినిమా లాభాలను అందిస్తుందని భావిస్తే మాత్రం నిరాశ తప్పదట.
ఫుల్ రన్ లో ఈ సినిమా 1,000 కోట్ల రూపాయల గ్రాస్ కలెక్షన్లను సాధించే ఛాన్స్ అయితే ఉంది. తెలుగు రాష్ట్రాల్లో ఆర్ఆర్ఆర్ ఇప్పటికే 200 కోట్ల రూపాయల షేర్ కలెక్షన్లను సాధించడం విశేషం. నిన్న, ఈరోజు కలెక్షన్లతో ఆర్ఆర్ఆర్ డిస్ట్రిబ్యూటర్లు, బయ్యర్లు దాదాపుగా సేఫ్ అయినట్టేనని కామెంట్లు కూడా వ్యక్తమవుతూ ఉండటం విశేషం.

మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Socialstars lifestyle

murali krishna

03/04/2022 10:04 PM