పుష్ప ఫస్ట్ పార్ట్ కు అదిరిపోయే సాంగ్స్ తో పాటు నేపథ్య సంగీతాన్ని కూడా అదే స్థాయిలో అందించి సినిమా విజయంలో తన వంతు పాత్ర పోషించిన దేవి శ్రీప్రసాద్ పెరిగిన అంచనాలకు తగ్గట్లుగా పుష్ప 2కు సంగీతం అందిస్తున్నారట. పాన్ ఇండియా రేంజ్ లో పుష్ప సినిమా పెద్ద బ్లాక్ బస్టర్ హిట్ గా నిలిచిన నేపథ్యంలో పుష్ప పార్ట్ 2కు మరింత కొత్తగా మరింత ప్రత్యేకంగా ట్యూన్ లని రెడీ చేస్తున్నాడట.ఇప్పటికే రంగంలోకి దిగిన దేవిశ్రీప్రసాద్ `పుష్ప ది రూల్` సినిమా కోసం ఏకంగా మూడు పాటలకు బాణీలని పూర్తి చేసినట్టుగా సమాచారం తెలిసింది. ముందు ఈ సినిమాని రెండు భాగాలుగా తెరపైకి తీసుకురావాలని ప్లాన్ చేయలేదు. కానీ పాటలని మాత్రం అనుకున్న దానికి మించి సిద్ధం చేసుకున్నారట. షూటింగ్ మధ్యలోకి వచ్చాక స్టోరీ డిమాండ్ మేరకు ఈ సినిమాని `బాహుబలి` తరహాలో టూ పార్ట్స్ గా రిలీజ్ చేయాలనుకున్నారట. దీంతో దేవి రెడీ చేసిన మూడు పాటలు కూడా అలాగే వుండిపోయాయట. ఆ పాటల్లో ఏది సందర్భానికి తగ్గట్టుగా మ్యాచ్ అయితే ఆ పాటని పార్ట్ 1 కోసం వాడేయాలని ప్లాన్ చేసుకున్నారట.



అలా ముందు అనుకున్న పాటలని వాడేసుకున్నాక అందులో మూడు పాటలు బ్యాలెన్స్ గా మిగిలిపోయాయట. ఆ మూడు పాటలు కూడా చాలా అద్భుతంగా వుండటంతో వాటని పార్ట్ 2 కి కేటాయించారట. త్వరలోనే సినిమా షూటింగ్ ని ప్రారంభించబోతున్న నేపథ్యంలో `పుష్ప 2` సినిమాకు సంబంధించిన మరిన్ని పాటల్ని దేవి శ్రీప్రసాద్ పూర్తి చేయనున్నారట. ఫస్ట్ పార్ట్ కు లభించిన క్రేజ్ ని దృష్టిలో పెట్టుకుని ప్రస్తుతం డైరెక్టర్ సుకుమార్ స్క్రిప్ట్ లో మార్పులు చేస్తున్నారు.ఫైనల్ డ్రాఫ్ట్ ఫినిష్ అయ్యాక సినిమా బృందం షూటింగ్ ని స్టార్ట్ చేయాలనే ఆలోచనలో వున్నట్టుగా సమాచారం తెలుస్తోంది. కరోనా వైరస్ కారణంగా పార్ట్ 1 ని ఆంధ్రప్రదేశ్ లోని మారేడుమిల్లి ఫారెస్ట్ లో పూర్తి చేశారు. అయితే తాజా పరిస్థితుల నేపథ్యంలో `పుష్ప 2`సినిమాని కేరళ అడవుల్లో తెరకెక్కించడానికి ఏర్పాట్లు చేస్తున్నట్టుగా కూడా వార్తలు వినిపిస్తున్నాయి. త్వరలోనే దీనికి సంబంధించిన అధికారిక ప్రకటన మేకర్స్ నుంచి రానుందని సమాచారం తెలుస్తుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

PUSHPA THE RULE

Purushottham Vinay

04/04/2022 10:00 PM