ఆ తరువాత మహేష్ తో మహర్షి, అల్లు అర్జున్ తో అలవైకుంఠపురములో, వరుణ్ తేజ్ తో గడ్డలకొండ గణేష్ వంటి సినిమాలతో భారీ సక్సెస్ లు కొట్టిన పూజా, ఆపైన అఖిల్ తో చేసిన మోస్ట్ ఎలిజిబుల్ బ్యాచిలర్ రూపంలో మరొక విజయం అందుకున్నారు. అయితే అనంతరం వచ్చిన ప్రభాస్ రాధేశ్యామ్, అలానే ఇటీవల వచ్చిన విజయ్ బీస్ట్ మూవీస్ రెండూ కూడా బాక్సాఫీస్ దగ్గర ఘోరంగా పరాజయం పాలయి పూజా కెరీర్ ని కొంత ఇబ్బందుల్లోకి నెట్టాయి. ఇక చిరంజీవి, చరణ్ కాంబోలో మొన్న వచ్చిన ఆచార్య లో కూడా హీరోయిన్ గా నటించిన పూజా ఆ మూవీతో కూడా మరొక భారీ డిజాస్టర్ ని చవిచూడకతప్పలేదు. దానితో గోల్డెన్ లెగ్ గా పేరు సాధించిన పూజా ఒక్కసారిగా నెగటివ్ గా మారారని కొందరు పుకార్లు మొదలెట్టారు.
అయితే ప్రస్తుతం పూజా కెరీర్ కొంత నెగటివ్ గా సాగుతున్న విషయం వాస్తవమేనని, అయితే రాబోయే ఆమె తదుపరి ప్రాజక్ట్స్ తో మళ్ళి ఆమె మంచి సక్సెస్ ట్రాక్ లోకి రావడం ఖాయం అని ఆమె ఫ్యాన్స్ పలువురు అభిప్రాయపడుతున్నారు. సక్సెస్, ఫెయిల్యూర్స్ అనేవి మన చేతుల్లో ఉండవని, తనని ఇప్పటివరకు ఆదరించిన ప్రేక్షకాభిమానులకి ఇటీవల ప్రత్యేకంగా కృతజ్ఞతలు తెలిపిన పూజా, తప్పకుండా రాబోయే సినిమాలతో తనని మరింతగా ఆదరిస్తారని నమ్మకం వెలిబుచ్చారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి