ఇదే తరహాలో చాలా సినిమా టైటిల్స్ మళ్ళీ రిపీట్ అయ్యాయి. అదే విధంగా మెగాస్టార్ చిరంజీవి చిత్రాల టైటిల్స్ కూడా చాలానే తిరిగి రిపీట్ అయ్యాయి. చిరు సినిమాలకు ఉండే క్రేజ్ ను దృష్టిలో పెట్టుకొని ఈ టైటిల్ ను చాలా మంది దర్శకులు తమ సినిమాల కోసం వాడేస్తున్నారు. ఇప్పటికే పలు సినిమాలకు చిరు టైటిల్స్ రిపీట్ కాగా ఇపుడు మరో చిరు టైటిల్ తో యంగ్ హీరో చిత్రం తెరకెక్కుతోంది. రుద్రవీణ టైటిల్ తో మన ముందుకు వచ్చేస్తున్నారు ఓ యంగ్ హీరో. మధుసూధన్ రెడ్డి తెరకెక్కిస్తున్న ఈ సినిమాలో కొత్త నటీనటులు పరిచయం కానున్నారు. తన ఊరుబాగు కోసం పాటు పాడే ఓ యువకుడి కథతో వస్తున్న చిత్రం ఇది.
అప్పటి మెగాస్టార్ చిత్రం రుద్రవీణ సినిమాకి మచ్చ రానీయకుండా ఉండేలా ఈ సినిమాను చాలా జాగ్రత్తగా రూపొందిస్తామని చెప్పుకొచ్చారు దర్శక నిర్మాతలు. అయితే ఈ సినిమా ఎలాంటి ఫలితాన్ని అందిస్తుంది అన్నది చూడాలి. ఇప్పటి వరకు చిరు చిత్రాల టైటిల్స్ 15 కు పైగానే రిపీట్ కాగా అందులో చాలా వరకు నిరాశ పరచగా కొన్ని మాత్రం బ్లాక్ బస్టర్ హిట్స్ అందుకున్నాయి. మరి ఈ సినిమాకు ఎలాంటి రెస్పాన్స్ వస్తుంది అన్నది చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి