తెలుగు సినీ ప్రేమికులకు మెగా బ్రదర్ నాగబాబు గురించి కొత్తగా పరిచయం చేయాల్సిన అవసరం లేదు. మెగా బ్రదర్ నాగబాబు సినిమా ఇండస్ట్రీలో అనేక సినిమా లలో కీలక పాత్రలో నటించడం మాత్రమే కాకుండా , కొన్ని సినిమా ల్లో హీరో గా కూడా నటించి ప్రేక్షకులను అలరించాడు. ఇలా సినిమాల్లో నటించడం మాత్రమే కాకుండా నాగబాబు అనేక మూవీ లకు ప్రొడ్యూసర్ గా కూడా వ్యవహరించాడు .

ఇలా నాగబాబు ప్రొడ్యూస్ చేసిన సినిమాల్లో కొన్ని సినిమాలు బాక్సాఫీస్ దగ్గర మంచి విజయం సాధించగా ,  కొన్ని సినిమా లు అపజయం పాలు అయ్యాయి. ఇది ఇలా ఉంటే నాగబాబు చివరగా మెగా పవర్ స్టార్ రామ్ చరణ్ హీరోగా తెరకెక్కిన ఆరెంజ్ సినిమాను నిర్మించాడు .  ఈ సినిమా విడుదలకు ముందు భారీ అంచనాలు ఉండటంతో ఈ సినిమాను నాగబాబు భారీ బడ్జెట్ తో తెరకెక్కించాడు. ఈ సినిమా బాక్సాఫీస్ దగ్గర ఘోరమైన నెగిటివ్ టాక్ తెచ్చుకొని కలెక్షన్లను కూడా బాక్సాఫీస్ దగ్గర పెద్దగా రాబట్టలేకపోయింది. ఆరెంజ్ సినిమాకు భారీ బడ్జెట్ పెట్టడంతో నాగబాబు తీవ్రమైన అప్పుల్లో కూరుకుపోయాడు.

 అలా ఆరెంజ్ మూవీ ద్వారా తీవ్రమైన అప్పుల్లో కూరుకుపోయిన నాగబాబు ఆ తర్వాత నిర్మాణ రంగం వైపు వెళ్లలేదు. ఆరెంజ్ సినిమా తర్వాత నాగబాబు ఎక్కువగా బుల్లితెర పైనే ప్రేక్షకులను అలరిస్తూ వస్తున్నాడు. అప్పుడప్పుడు కొన్ని సినిమాలలో కీలకమైన పాత్రల్లో నటిస్తూ కెరియర్ ను ముందుకు సాగిస్తున్న నాగబాబు మరో సారి ప్రొడ్యూసర్ గా మారి ఒక సినిమాను తెరకెక్కించబోతున్నట్లు తెలుస్తోంది. నాగబాబు ఈ సారి తన కొడుకు వరుణ్ తేజ్ హీరోగా తెరకెక్కబోయే ఒక సినిమాకు ప్రొడ్యూసర్గా వ్యవహరించబోతున్నట్లు ఒక వార్త నెట్టింట్లో వైరల్ అవుతుంది. మరి ఈ వార్త ఎంత వరకు నిజమో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

naga babu

Pulgam Srinivas

30/05/2022 10:23 AM