టాలీవుడ్ చిన్న హీరో నిఖిల్ హీరోగా నటించిన కార్తికేయ 2 సినిమా విడుదలకు ముందు పడిన కష్టాలు అన్నీ ఇన్నీ కావు. చాలా అష్టకష్టాలు పడింది. ఎవరెవరి సినిమాల కోసమో వాయిదా వేసుకుంది. థాంక్ యు కోసం ఒకసారి, మాచర్ల నియోజకవర్గం కోసం ఒక రోజు ఆలస్యంగా ఇలా ఎన్నో రకాల తిప్పలు పడి రిలీజైన కార్తికేయ 2 సినిమా ఇప్పుడు ఆశించిన దానికన్నా కూడా చాలా గొప్ప ఫలితాన్ని అందుకుంది.100 కోట్ల గ్రాస్ సాధించే దిశగా పరుగులు పెట్టడం అనేది అసలు నిఖిల్ లాంటి చిన్న హీరోకు అంత సులభంగా సాధ్యమయ్యేది కాదు. అందులో కూడా నార్త్ లో విపరీతమైన గుర్తింపు దక్కడం, లాల్ సింగ్ చడ్డా ఇంకా అలాగే రక్షా బంధన్ లను తోసేసి మరీ విన్నర్ గా నిలవడం మాములు విషయం కాదు. మొత్తం అరవై స్క్రీన్లతో మొదలుపెట్టి ఏకంగా ఏడు వేలు దాటడం మాటలు కాదు. ఇది నిజంగా చాలా గొప్ప అచీవ్ మెంట్ అని చెప్పాలి.నిన్న కర్నూలులో వంద కోట్ల వేడుకలను ఘనంగా నిర్వహించారు. నిజానికి కార్తికేయ 2 ఆ మార్కుకు దగ్గరగా ఉంది కానీ ఇంకా చేరుకోలేదని ట్రేడ్ టాక్. నిన్నటిదాకా వచ్చిన వసూళ్ల వరకు చూసుకుంటే 86 కోట్ల దాకా గ్రాస్ అయ్యిందట. షేర్ లెక్కలో అది 44 కోట్ల దాకా తేలుతుంది. అయితే సెంచరీ ఫీట్ చేరుకోవడానికి ఎక్కువ సమయం పట్టదు. అందుకే అంత కాన్ఫిడెన్స్ తో ఈవెంట్ చేశారు.


నైజామ్ లో అత్యధికంగా 10 కోట్లకు పైగా రాబట్టిన కార్తికేయ 2 సీడెడ్ లోనూ 4 కోట్లకు పైగా వసూలు చేయడం గమనార్హం. అక్కడ కనీసం పాతిక కోట్ల మార్కెట్ ఉన్న హీరోలకే సాధ్యమయ్యే ఫీట్ ఇది. ఓవర్సీస్ లోనూ 5 కోట్లు వసూలయ్యాయి. హిందీ వెర్షన్ సోమవారానికి 11 కోట్లు దాటేస్తుంది.ఖచ్చితంగా ఇది నిఖిల్ లాంటి హీరోలకు ఇది కాన్ఫిడెన్స్ ఇచ్చే రికార్డు. కంటెంట్ ఉంటే చాలు స్టార్ పవర్ పనిచేయదని నిరూపిస్తూ కొత్త చరిత్ర సృష్టిస్తోంది. అటు నార్త్ లోనూ చెప్పుకోదగ్గ బాలీవుడ్ రిలీజులేవీ లేకపోవడంతో కార్తికేయ 2 ప్రభంజనం ఇంకో రెండు వారాలకు పైగానే సాగేలా కనిపిస్తోంది. ముఖ్యంగా లైగర్ డిజాస్టర్ కావడం ఈ సినిమాకు ప్లస్ అవుతోంది. చాలా చోట్ల తగ్గించిన స్క్రీన్లు తిరిగి నిఖిల్ కే వచ్చేస్తున్నాయి. హిందీలోనూ విజయ్ దేవరకొండ బొమ్మకు తిరస్కారం ఎదురయ్యింది. దీంతో కార్తికేయ 2 తప్ప వేరే ఆప్షన్ లేకుండా పోయింది. మొత్తానికి సౌత్ డామినేషన్ ఈ స్థాయిలో ఉండబట్టే అక్కడి మేకర్స్ మన సినిమాలకు తెగ వణికిపోతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

KARTHIKEYA2

Purushottham Vinay

27/08/2022 07:01 PM