ఈ సినిమాను "తని ఒరువన్" లాంటి బ్లాక్ బస్టర్ సినిమాను అందించిన డైరెక్టర్ మోహన్ రాజా తన భుజాలపై ఎత్తుకున్నాడు. ఇక మరో విశేషం ఏమిటంటే ఈ సినిమాకు ఒక నిర్మాతగా రామ్ చరణ్ తేజ్ ఉన్నారు. లూసిఫర్ మెయిన్ ప్లాట్ ను మార్చకుండా, తెలుగు నేటివిటీకి తగినట్లుగా కొన్ని మార్పులు చేసి సినిమాను పూర్తి చేశారు. ప్రీ రిలీజ్ ఈవెంట్ లలోనూ ఈ సినిమాపై అందరూ ఎంతో నమ్మకంతో ఉన్నారు. అయితే సినిమా ఎంత బాగా వచ్చినా, రిలీజ్ కు ముందు చిత్ర బృందం లో ఉండే భయం వేరు. రేపు మొదటి షో పూర్తయ్యే వరకు అందరూ చాలా టెన్షన్ లో ఉంటారు అన్నది అక్షర సత్యం.
ఇక మెగాస్టార్ చిరంజీవి అయితే ఎక్కువగా ఒత్తిడిలో ఉంటారు. కారణం తన లాస్ట్ సినిమా ఆచార్య అంచనాలకు మించి ప్లాప్ అయింది. అందుకే ఈ సినిమా సక్సెస్ కావడం చిరుకు చాలా అవసరం. కాగా ఈ సినిమా పొలిటికల్ బ్యాక్ గ్రౌండ్ ఉండడంతో మరింత కంగారుగా ఉన్నారు. ఇక మరోవైపు చిరంజీవి ఫ్యాన్స్ ఈ సినిమా కోసం పడిగాపులు కాస్తున్నారు. ఈ సినిమాకు ప్రీ రిలీజ్ బిజినెస్ కూడా అద్భుతంగా జరిగినట్లు తెలుస్తోంది. మరి ఈ సినిమా చిరుకు సక్సెస్ ను అందించి ఫ్యాన్స్ ను సంతోషపెడుతుందా లేదా అన్నది తెలియాలంటే రేపటి వరకు ఆగాల్సిందే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి