కాకాపోతే హీరోయిన్ గా బాలీవుడ్ భామల్ని తీసుకోవాలని ప్రయత్నించారు. రెమ్యునరేషన్ విషయంలో వెనక్కి తగ్గాల్సి వచ్చింది. ఇక రష్మిక, కీర్తి సురేష్ ని సంప్రదించినట్లు తెలిసింది. వీరిలో రష్మిక మందన హీరోయిన్ గా ఖరారైపోయింది అనే ప్రచారం నడిచింది. అయితే ఇప్పుడు తెరపైకి మరో యంగ్ హీరోయిన్ పేరు వచ్చింది. తారక్కు జోడీగా పెళ్లి సందడి ఫేం శ్రీలీలని ఖరారు చేశారనే మాట వినిపిస్తుంది. ఇప్పటికే శ్రీలీల వరుస సినిమాలతో ఫుల్ బిజీగా ఉంది. చేతిలో ఏకంగా ఏడు సినిమాల వరకు ఉన్నాయి. ఇక రామ్, బోయపాటి సినిమాలో కూడా శ్రీలీలనే హీరోయిన్.ఈ మూవీ పాన్ ఇండియా లెవల్ లో తెరకెక్కుతుంది. ఇప్పుడు ఎన్టీఆర్ సినిమా కోసం శ్రీలీలని ఎంపిక చేశారనే మాట తెరపైకి రావడంతో ఈ బ్యూటీ క్రేజ్ పై అందరూ షాక్ అవుతున్నారు. కేవలం తెలుగులో ఒకే ఒక్క సినిమా చేసి ఇన్ని వరుస అవకాశాలని ఎలా అందుకుంటుందంటూ ఆశ్చర్యపోతున్నారు. అయితే ఆమెకి ఇలా భారీ ఆఫర్స్ రావడం వెనుక రాఘవేంద్రరావు హస్తం ఉందనే మాట వినిపిస్తుంది. ఒక వేళ తారక్ కి జోడీగా నిజంగా శ్రీలీలకి అవకాశం వస్తే మాత్రం అది ఆమె కెరియర్ లో బిగ్గెస్ట్ ప్రాజెక్ట్ అవుతుంది అనడంలో ఎలాంటి అతిశయోక్తి లేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి