యాంకర్ సుమ గురించి ప్రత్యేకంగా చెప్పాల్సిన పనిలేదు..ఆమె ఏ షో చేసిన కూడా అది మంచి టాక్‌ ను అందుకుంటుంది..ప్రస్తుతం సుమ ఈటీవీ లో ప్రసారమవుతున్న క్యాష్ షో కు యాంకర్ గా చేస్తుంది. ఈ షో ప్రతి శనివారం రాత్రి 9.30 నిమిషాలకు ప్రసారం అవుతుంది.జాతిరత్నాలు తో తెలుగు ప్రేక్షకులకు దగ్గరయ్యాడు డైరెక్టర్ కెవి అనుదీప్. ఈ మూవీ ప్రమోషన్లలో.. సక్సెస్ మీట్‏లో అనుదీప్ చేసిన కామెడీ వేరేలెవల్ అని చెప్పాలి..క్యాష్ ప్రోగ్రాంలో పాల్గొని… తనదైన కామెడీ టైమింగ్‏తో రచ్చ చేశాడు. పంచులు.. డైలాగ్స్‏తో సందడి చేశారు.


ఇక ఇప్పుడు మరోసారి క్యాష్ షోలో పాల్గొని సుమను మరోసారి ఓ ఆటాడుకున్నాడు. అనుదీప్ దర్శకత్వంలో తమిళ్ స్టార్ హీరో శివకార్తికేయన్ నేరుగా తెలుగులో చేస్తున్న సంగతి తెలిసిందే. ప్రిన్స్ టైటిల్‏తో ఈ మూవీ అక్టోబర్ 21న ప్రేక్షకుల ముందుకు రాబోతుంది. ఇప్పటికే విడుదలైన ట్రైలర్, సాంగ్స్ ఆకట్టుకుంటున్నాయి. ఈ మూవీ ప్రమోషన్లలో భాగంగా.. ప్రిన్స్ చిత్రయూనిట్ క్యాష్ ప్రోగ్రాంకు విచ్చేసింది. తాజాగా వీరి ఎపిసోడ్‏కు సంబంధించిన ప్రోమో విడుదల చేశారు మేకర్స్. అందులో డైరెక్టర్ అనుదీప్, హీరో శివకార్తికేయన్ షోలో సందడి చేశారు.


అయితే ఇక్కడ అనుదీప్ ఎంట్రీ హైలెట్ అయ్యింది. బ్యాండ్ మేళం ఊరేగింపుతో.. నలుగురు వ్యక్తులు ఆయనను ఎత్తుకొని రావడం జరిగింది. రాగానే అనుదీప్ గారు.. మన సభను ఉద్దేశించి ఏదోకటి చెప్పాలని సుమ అడగ్గా.. థాంక్యూ.. షో చూసి ఎంజాయ్ చేయండి అంటూ సెటైర్ వేశారు. తాజాగా విడుదలైన ప్రోమో చూస్తే.. ఎపిసోడ్ ఫుల్ ఫన్గా సాగినట్లుగా తెలుస్తోంది. అనుదీప్, హీరో శివకార్తికేయన్ ఇద్దరూ యాంకర్ సుమను ఓ రేంజిలో ఆడుకున్నారు.


జాతిరత్నాలు తర్వాత మీకు జరిగిన మోస్ట్ ఎమోషనల్ ఇన్సిడెంట్ ఏమిటి అని సుమ అడగ్గా.. తనదైన స్టైల్లో స్టోరీ చెప్పేశాడు. అలాగే.. ఇలాంటి షోకి మీరెప్పుడైనా వెళ్లారా ? అని శివకార్తికేయన్‏ను అడగ్గా.. చాలా అటెండ్ అయ్యాను. కానీ ఇదే మొదటి సారి అంటూ పంచ్ వేశాడు శివకార్తికేయన్. మొత్తానికి ఎప్పుడూ తన షోకు వచ్చే అతిథులను తన వాక్చాతుర్యంతో ఆటాడుకునే సుమకు.. తమ కామెడీ పంచులతో చుక్కలు చూపించారు అనుదీప్.. శివకార్తికేయన్..ప్రస్తుతం ఈ షో ప్రోమో సోషల్ మీడియాలో వైరల్ అవుతోంది.



మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Cash latest promo

Satvika

21/10/2022 06:00 AM