![](https://www.indiaherald.com/cdn-cgi/image/width=750/imagestore/images/movies/movies_latestnews/hero-krishna-without-mecupb4eea099-7438-48eb-a6fc-ddc02c709e92-415x250.jpg)
గోదావరికి చెందిన బాపు తీసిన సాక్షి చిత్రం ద్వారా కృష్ణ కెరియర్ ఒక మలుపు తిరిగింది. ఈ సినిమాలో కృష్ణ సినిమా పూర్తయ్యే వరకు మేకప్ లేకుండానే నటించారు. మానవత్వం మీద నమ్మకం కలిగిన పల్లెటూరి అమాయకుడు పాత్రను ఆయన పూర్తిస్థాయిలో ఒదిగిపోయారు . విజయనిర్మలతో నటించిన తొలి చిత్రం కూడా ఇదే కావడం గమనార్హం. మరి ఈ చిత్ర నిర్మాణం జిల్లాలోని వివిధ ప్రాంతాలలో 20 రోజులకు పైగా కొనసాగింది. ఆ తర్వాత ఈ సినిమా సూపర్ హిట్ విజయాన్ని అందుకొని ఆయన కెరీర్ కు మైలురాయిగా నిలిచిపోయింది.
తర్వాత వరుస విజయాలతో చిత్ర పరిశ్రమలో సూపర్ స్టార్ గా దూసుకుపోయారు కృష్ణ.కే రాఘవేంద్రరావు దర్శకత్వంలో కృష్ణ నటించిన ఊరికి మొనగాడు చిత్రం షూటింగు రామచంద్రపురం పరిసరాల్లోనేఎక్కువ కాలమే సాగిందని ఇక్కడ ప్రజలు కూడా గుర్తు చేసుకుంటున్నారు. అంతేకాదు అల్లూరి సీతారామరాజు, పాడి పంటలు, భోగి మంటలు , దొరగారికి స్వాగతం, నేనంటే నేనే వంటి ఎన్నో చిత్రాలు ఉమ్మడి తూర్పుగోదావరి జిల్లాలోని షూటింగ్ జరిగాయి. 1974లో తూర్పుగోదావరి జిల్లా ఏజెన్సీ తో పాటు అన్నవరం పరిసరాలను తొలిసారిగా తెరకెక్కించారు కృష్ణ. ఇలా ఎన్నో చిత్రాలను తమ మధ్య చిత్రీకరించిన కృష్ణ ఇక లేరని తెలిసి ప్రతి ఒక్కరు కన్నీటి పర్యంతమవుతున్నారు.