అయితే నిన్న ఖుషి సినిమాకు లభించిన ఆదరణ చూసి.. నిర్మాతలు ఈ కల్ట్ క్లాసిక్ బ్లాక్ బస్టర్ మూవీ తొలిప్రేమ సినిమాను కూడా రీ రిలీజ్ చేయడానికి సన్నాహాలు సిద్ధం చేస్తున్నారు. 1998లో ఏ కరుణాకరన్ దర్శకత్వంలో విడుదలైన ఈ బ్లాక్ బస్టర్ ప్రేమకథా చిత్రం ఇప్పుడు రీ రిలీజ్ కు సిద్ధమవుతుందని తెలిసి అభిమానులు సంతోషం వ్యక్తం చేస్తున్నారు. ఇందులో పవన్ కళ్యాణ్ హీరోగా, కీర్తి రెడ్డి హీరోయిన్ గా నటించారు. వాసుకి, ఆలీ, వేణుమాధవ్ , నగేష్ ,సంగీత తదితరులు కీలకపాత్ర పోషించారు. జీవిజి రాజు నిర్మించిన ఈ సినిమా మళ్లీ థియేటర్లలో రీ రిలీజ్ చేస్తూ ఉండడంతో ఈ సినిమా కోసం ఎదురు చూస్తున్నాం అంటూ నెటిజన్ల నుంచి కామెంట్లు కూడా వ్యక్తం అవుతున్నాయి..
సిరివెన్నెల సీతారామశాస్త్రి రచన ... బాలసుబ్రమణ్యం గానం సినిమాకు ప్రత్యేక ఆకర్షణగా నిలిచాయి. ముఖ్యంగా ఈ సినిమాలోని పాటలు భారీ రేంజిలో విజయాన్ని సొంతం చేసుకొని ఇప్పటికీ కూడా ఫ్రెష్ ఫీల్ ని అందిస్తూ ఉంటాయి. ఇలాంటి అద్భుతమైన చిత్రాన్ని మళ్లీ 4కే ప్రింట్ లో ప్రేమికుల రోజు సందర్భంగా అంటే ఫిబ్రవరి 14వ తేదీన ఈ సినిమాను రిలీజ్ చేయబోతున్నారు. మరి ఈ సినిమా ఏ రేంజ్ లో కలెక్షన్ వసూలు చేస్తుందో చూడాలి.