అయితే ఇప్పుడు మళ్లీ తాజాగా అందుతున్న సమాచారం ప్రకారం... తెలుగు వర్షన్ ప్రీ రిలీజ్ ఈవెంట్ కి దిల్ రాజు, రష్మిక మందన్న మాత్రమే హాజరు కాబోతున్నారట. అంతేకాదు తెలుగు వర్షన్ పై విజయ్ దళపతి అసంతృప్తి వ్యక్తం చేయడం వల్లే ఆయన ఈ ప్రీ రిలీజ్ ఈవెంట్ కి రావడం లేదు అని వార్తలు వినిపిస్తున్నాయి. వంశీ పైడిపల్లి దర్శకత్వంలో తెరకెక్కిన ఈ సినిమా నుంచి తాజాగా ట్రైలర్ విడుదల చేయగా.. ట్రైలర్ పూర్తిస్థాయిలో ట్రోల్ అవుతోంది. అజ్ఞాతవాసి, శ్రీమంతుడు, అత్తారింటికి దారేది అంటూ ఇలా మొత్తం ఆరు సినిమా కథలను మార్చి మార్చి వారసుడు పేరిట తెరకెక్కించారు అంటూ కూడా విమర్శలు వినిపిస్తున్నాయి.
తెలుగు సినిమాల కంటే వారసుడు సినిమాకు ఎక్కువ థియేటర్ లు కేటాయించినప్పటికీ.. టికెట్ బుకింగ్స్ మాత్రం ఇంకా మొదలు కాలేదు. మరి ఇలాంటి సమయంలో ఆయన అసంతృప్తి వ్యక్తం చేస్తున్నాడని.. అందుకే తెలుగు వర్షన్ ప్రీ రిలీజ్ ఈవెంట్ కి రావడం లేదు అనే వార్తలు వినిపిస్తున్నాయి. మరి ఈ విషయంపై చిత్రం యూనిట్ అధికారికంగా స్పందిస్తే మాత్రం అసలు కారణమేమిటో తెలియదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి