ఈ సినిమా కేవలం సౌత్ ఇండియా వ్యాప్తంగానే కాదు అటు పాన్ ఇండియా స్థాయిలో కూడా మంచి విజయాన్ని సాధించింది అని చెప్పాలి. ఈ సినిమాలో ముంబై ని గడగడలాడించిన డాన్ ఆటో డ్రైవర్ గా ఎలా మారుతాడు అన్నది కథ. ఈ కథ ప్రేక్షకులందరికీ కూడా మెప్పించింది అని చెప్పాలి. సురేష్ కృష్ణ దర్శకత్వంలో ఈ సినిమా తెరకెక్కి భారీ విజయాన్ని అందుకుంది. అయితే తెలుగులో డబ్ చేయాలని ముందుగా మేకర్స్ ప్లాన్ చేశారు. కానీ దర్శకుడు సురేష్ కృష్ణ మాత్రం ఈ సినిమా తెలుగులో రీమేక్ చేయాలని అనుకున్నాడట. బాలకృష్ణ లేదా చిరంజీవితో రీమేక్ చేస్తే బాగుంటుందని భావించాడట.
బాషా నిర్మాతలు అయిన దేవి శ్రీ థియేటర్లో తెలుగు స్టార్ హీరోల కోసం స్పెషల్ షో వేశారట. కానీ మన హీరోలకు ఈ సినిమా అంతగా ఎక్కలేదట. ఇక బాలయ్య అప్పటికే రీమేక్లకు దూరంగా ఉండేవారు. ఇక భాషా అవకాశాన్ని వదులుకోవడానికి ఆయన సిద్ధపడ్డారట. ఇక చిరంజీవి కూడా ఈ సినిమా చేయడానికి పెద్దగా ఆసక్తి చూపించలేదట. దీంతో చేసేదేమీ లేక ఈ సినిమాని రీమేక్ చేయకుండా తెలుగులోకి డబ్ చేసినట్లు తెలుస్తుంది. ఇలా వచ్చిన ఈ సినిమా తెలుగులో కూడా బ్లాక్ బస్టర్ హిట్ అయింది అని చెప్పాలి. ఈ సినిమాలో అటు రజనీకాంత్ సరసన నగ్మా హీరోయిన్గా నటించింది. రఘువరన్ విలన్ గా నటించాడు అని చెప్పాలి.