వారిసు తెలుగు లో వారసుడుగా విడుదల కూడా అయింది. తెలుగు లో ఆశించిన స్థాయి లో వసూళ్లు మాత్రం నమోదు చేయలేక పోయింది. కానీ తమిళం లో మాత్రం భారీ విజయాన్ని అయితే సొంతం చేసుకుంది.ఆకట్టుకునే కథ ను ఎంపిక చేసుకున్న నిర్మాత దిల్ రాజు తో తెలుగు లో వరుసగా సినిమా లను చేయాలని హీరోలు కూడా ఆశ పడుతారు. అలాగే ఇప్పుడు తమిళ స్టార్స్ కూడా దిల్ రాజు నిర్మాణం లో సినిమా లను చేసేందుకు ఆసక్తి చూపిస్తున్నారని తెలుస్తుంది.ఇటీవల తమిళ మీడియాలో వస్తున్న వార్తల అనుసారం సూపర్ స్టార్ రజినీకాంత్ స్వయంగా దిల్ రాజు బ్యానర్ లో సినిమా ను చేసేందుకు గాను ఓకే చెప్పినట్లుగా సమాచారం.
దిల్ రాజు మంచి కథతో కనుక వస్తే కలిసి సినిమా చేద్దాం అంటూ రజినీకాంత్ హామీ ఇవ్వడంతో ఆ దిశగా ప్రస్తుతం ఏర్పాట్లు జరుగుతున్నాయి అంటూ వార్తలు కూడా వస్తున్నాయి. అతి త్వరలోనే తమిళం మరియు తెలుగు లో ఒక భారీ ప్రాజెక్ట్ ప్రారంభం కాబోతుంది అంటూ ఇండస్ట్రీ వర్గాల ద్వారా సమాచారం. ప్రస్తుతం దిల్ రాజు ఒక తెలుగు దర్శకుడి వద్ద ఉన్న కథ కు మెరుగులు దిద్దిస్తున్నాడట. త్వరలోనే ఆ కథ ను రజినీకాంత్ కు వినిపించే అవకాశాలు కూడా ఉన్నాయి. దాంతో తెలుగు మరియు తమిళంలో కూడా ఆ సినిమా ను నిర్మించబోతున్నాడని తెలుస్తుంది.. వారసుడు సినిమా ను తెలుగు లో సక్సెస్ చేసుకోలేక పోయిన దిల్ రాజు ఈసారి రజినీకాంత్ తో నిర్మించబోతున్న సినిమా కచ్చితంగా భారీ విజయాన్ని సొంతం చేసుకునే నమ్మకంతో వున్నాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి