అయితే సినిమాల్లో స్టార్ హీరోగా కొనసాగుతున్న సమయం లోనే రాజకీయ రంగ ప్రవేశం చేసి రాజకీయాల్లో కూడా తనకు తిరుగులేదు అని నిరూపించారు నందమూరి తారక రామారావు. తెలుగుదేశం అనే పార్టీని స్థాపించి అప్పటికి దశాబ్దాల నుంచి పాలన సాగిస్తున్న కాంగ్రెస్ పార్టీ కి షాక్ ఇచ్చి ఏకంగా ముఖ్యమంత్రి పీఠాన్ని అధిరోహించారు. అయితే ఎన్టీఆర్ రాజకీయాల్లోకి వచ్చే సమయానికి ఆయన పారితోషకం దాదాపు పది లక్షల రూపాయలట ఈ విషయాన్ని ఇటీవల రజనీకాంత్ వెల్లడించారు. అప్పట్లో 10 లక్షలు అంటే దాదాపు 100 కోట్ల రూపాయలకు సమానం అని చెప్పవచ్చు.
ఇంత భారీ రేంజ్ రెమ్యూనరేషన్ వదులుకొని... ప్రజలకు సేవ చేయాలనే ఉద్దేశంతో ఎన్టీఆర్ రాజకీయాల్లోకి అడుగు పెట్టారు అని చెప్పాలి. తెలుగు వారి ఆత్మగౌరవం పేరుతో ఎన్టీఆర్ రాష్ట్రమంతా తిరిగారని.. రజనీకాంత్ చెప్పుకోచ్చారు. ఆయన ఒక యుగ పురుషుడు అని.. పార్టీ ప్రారంభించిన తొమ్మిది నెలల్లోని రాజకీయాల్లో సంచలనం సృష్టించాడని రజనీకాంత్ ప్రశంసలు కురిపించారు. శ్రీకృష్ణ పాండవీయం సినిమాలో దుర్యోధనుని పాత్రలో ఎన్టీఆర్ ను చూసిన తర్వాత మెస్మరైస్ అయిపోయాను అంటూ చెప్పుకొచ్చాడు రజినీకాంత్. అయితే ఎన్టీఆర్ రాజకీయాల్లోకి వచ్చి ముఖ్యమంత్రిగా మారిన తర్వాత కూడా తన సంక్షేమ పథకాలతో తెలుగు ప్రజల గుండెల్లో ఎప్పటికీ చెరగని ముద్ర వేసుకున్నారు అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి