మెగా హీరో వరుణ్ తేజ్ లావణ్య త్రిపాఠితో పీకల్లోతు ప్రేమలో ఉన్నాడంటూ గతంలోనే వార్తలు వచ్చాయి. మిస్టర్, అంతరిక్షం సినిమాల సమయంలో వీరిద్దరి మధ్య ఏర్పడిన స్నేహం ప్రేమగా మారిందని..లావణ్య పుట్టినరోజును సెలబ్రేట్ చేసేందుకే వరుణ్ తేజ్ బెంగళూరు వెళ్లాడని..అక్కడే ఆమెకు ప్రపోజ్ చేశాడని గత ఏడాదిలో నెట్టింట వీరి లవ్ వార్తలు మోత మోగించాయి. ఈ ప్రచారం పై మెగా ఫ్యామిలీ నుంచి ఎలాంటి స్పందన లేదు కానీ లావణ్య మాత్రం రియాక్ట్ అయింది. అందరూ చెబుతున్నట్లు తాను బెంగళూరులో లేనని తన సొంతూరు డెహ్రాడూన్ లో కుటుంబంతో కలిసి ఉన్నానంటూ అక్కడి ఫోటోలను షేర్ చేసింది.
లావణ్య త్రిపాఠి క్లారిటీ ఇవ్వడంతో రూమర్స్ కు చెక్ పడినట్లయింది. ఇక నాగబాబు, ఇటీవలే మీడియా ముందుకొచ్చి వరుణ్ త్వరలోనే పెళ్లి చేసుకుంటాడని..అమ్మాయి ఎవరనే విషయాన్ని అతడే వెల్లడి చేస్తాడని చెప్పాడు. దీంతో వరుణ్ ఎవరిని పరిచయం చేస్తాడో చూడాలని మెగా ఫ్యాన్స్ ఎదురు చూస్తుండగా..లావణ్యతో వరుణ్ ఎంగేజ్ మెంట్ ఫిక్స్ అంటూ పింక్ విల్లా కథనం ప్రచురించింది. మరి, ఈ కథనంలో నిజం ఎంత అనేది తెలియాలంటే మెగా కుటుంబం నుంచి ఏదైనా ప్రకటన రావాల్సిందే. కనీసం లావణ్య అయినా చిన్నపాటి హింట్ ఇస్తుందేమో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి