ఇలియానా తన ఇన్‌స్టాగ్రామ్ హ్యాండిల్‌లో తను బేబీమూన్ ఎంజాయ్ చేస్తున్న ఫొటోలు షేర్ చేసింది. ఫస్ట్ పిక్చర్‌లో బ్యూటిఫుల్ బీచ్ లొకేషన్‌ను చూపింగా.. రెండో ఫొటోగా డ్రింక్ గ్లాస్‌ను షేర్ చేసింది. ఇక మూడో చిత్రంలో తను ప్రియుడి చేతిలో చెయ్యేసి ఉంచడాన్ని చూడవచ్చు. జాగ్రత్తగా పరిశీలిస్తే.. ఇద్దరు కూడా తమ రింగ్ ఫింగర్స్‌కు ఉంగరాలు ధరిచంచి ఉండటం చూడచ్చు. ఇది ఎంగేజ్‌మెంట్ జరిగినట్లు సూచిస్తుండగా.. ‘నా శృంగార ఆలోచన తనను ప్రశాంతంగా తిననివ్వదు’ అంటూ క్యాప్షన్ కూడా యాడ్ చేసింది. కాగా.. ప్రెగ్నెన్సీ ప్రకటన తర్వాత ఇలియానా తన బాయ్‌ఫ్రెండ్ ఫొటోను షేర్ చేయడం ఇదే తొలిసారి. అయితే, ఇందులో ప్రియుడి చెయ్యి మాత్రమే కనిపించగా.. ఇంతకీ తను ఎవరనే ఊహాగానాలకు సమాధానం దొరకలేదు.
ఇక ఇలియానా ప్రెగ్నెన్సీ ప్రకటన విషయానికొస్తే.. ‘Coming Soon.. నిన్ను కలవడానికి వెయిట్ చేయలేను నా లిటిల్ డార్లింగ్’ అంటూ ఇన్‌స్టాగ్రామ్‌లో వెల్లడించి అందరినీ ఆశ్చర్యపరిచింది. దీంతో ఇండస్ట్రీ సహచరులతో పాటు అభిమానులు ఆమెపై ప్రేమను కురిపిస్తూ కామెంట్లు చేశారు. అయితే, ప్రెగ్నెన్సీ ప్రకటించినప్పటికీ.. పుట్టబోయే బిడ్డకు తండ్రి ఎవరనే విషయాన్ని మాత్రం ఆమె ఇంతవరకు రివీల్ చేయలేదు. మరోవైపు కొంతకాలంగా ఇలియానా.. కత్రినా కైఫ్ సోదరుడితో చెట్టపట్టాల్ వేసుకుని తిరిగిన సంగతి తెలిసిందే. తనే ఇలియానా బిడ్డకు తండ్రని నెట్టింట రూమర్స్ వినిపిస్తున్నాయి.
ఇదిలా ఉంటే తెలుగులో ఇలియానా నటించిన చివరి చిత్రం ‘అమర్ అక్బర్ ఆంటోని’. రవితేజ హీరోగా శ్రీను వైట్ల దర్శకత్వంలో వచ్చిన ఈ చిత్రం బాక్సాఫీస్ వద్ద డిజాస్టర్‌గా మిగిలింది. ఇక హిందీలో ఇలియానా నటించిన ‘అన్ ఫెయిర్ అండ్ లవ్‌లీ’ అక్టోబర్‌లో విడుదల కానుంది. ఇది కాకుండా విద్యాబాలన్, ప్రతీక్ గాంధీతో కలిసి నటించిన అన్‌టైటిల్డ్ ఫిల్మ్ కూడా రిలీజ్ కావాల్సి ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి