జూనియర్ ఎన్టీఆర్, రామ్ చరణ్ మరోసారి కలిసిన నటించబోతున్నారని వార్తలు వస్తున్నాయి. చరణ్, ఎన్టీఆర్ కాంబినేషన్ లో మరో సినిమా రాబోతుందని విజయేంద్రప్రసాద్ వెల్లడించారు. ఓ ప్రముఖ ఛానల్ తో ఆయన మాట్లాడుతూ ఈ పాన్ హీరోలతో మరో సినిమా ఉంటుందని ప్రకటించారు. హాలీవుడ్ రేంజ్ లో ఈ సినిమా ఉంటుందని, ఆర్ఆర్ఆర్ కి సీక్వెల్ అని అన్నారు. అయితే ఈ సినిమాకి దర్శకుడుగా రాజమౌళి ఉండకపోవచ్చు అని అంటున్నారు. ఈ సీక్వెల్ పై రాజమౌళి తాలూకు పర్యవేక్షణ ఉంటుందని అన్నారు.
దీంతో దర్శకుడు ఎవరన్న విషయంపై నెటిజన్స్ లో సందేహం నెలకొంది. విజయేంద్రప్రసాద్ డైరెక్ట్ చేస్తారా లేక రాజమౌళి తనయుడు చేస్తారా లేక వేరే ఎవరైనా దర్శకుడు చేస్తారా అనేది తెలియాల్సి ఉంది. ఇదిలా ఉంటే రాజమౌళి డ్రీమ్ ప్రాజెక్ట్ అయిన ‘ మహాభారతం ‘ సినిమా ఎప్పుడు ఉంటుందో అనే విషయాన్ని కూడా విజయేంద్ర ప్రసాద్ చెప్పుకొచ్చారు. ప్రస్తుతం మహేష్ బాబుతో చేస్తున్న సినిమా పూర్తయ్యాక మహాభారతం ఉంటుందని అన్నారు. ఏది ఏమైనా రాంచరణ్ , ఎన్టీఆర్ తో మరో మల్టీ స్టారర్ సినిమా అంటే ప్రేక్షకులలో ఉత్సాహం పెరుగుతుంది. ఇప్పటికే ఈ సినిమాపై భారీ అంచనాలు నెలకొన్నాయి. మరి ఈ సినిమా ఎప్పుడు వస్తుందో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి