సూర్య పుట్టినరోజు సందర్భంగా తమ అభిమాన హీరో పుట్టినరోజు వేడుకలలో భాగంగా ఈ ఇద్దరు అభిమానులు ఆయన ఫ్లెక్సీ కట్టడం కోసం వెళ్లారు అయితే కరెంట్ షాక్ తగిలి వీరిద్దరూ అక్కడికక్కడే మృతి చెందారు. ఇక ఈ విషయం సూర్య వరకు చేరడంతో సూర్య తమ అభిమానుల మృతిపై స్పందించారు. ఈ క్రమంలోనే మరణించిన అభిమానుల కుటుంబ సభ్యులతో ఈయన వీడియో కాల్ మాట్లాడారు.ఇలా తన పుట్టినరోజు వేడుకలలో భాగంగా అభిమానులు మరణించడంతో సూర్య ఎంతో దిగ్భ్రాంతి వ్యక్తం చేశారు. అలాగే తన కుటుంబ సభ్యులకు అండగా ఉంటానని హామీ ఇచ్చారు.
ఈ సందర్భంగా ఇరువురి కుటుంబ సభ్యులతో మాట్లాడిన సూర్య చనిపోయిన తన అభిమానులను తిరిగి తాను తీసుకురాలేను కానీ వారు లేని లోటు కనిపించకుండా కుటుంబ బాధ్యతలను తానే తీసుకుంటానని ఏ కష్టం వచ్చినా తాను అండగా ఉంటానని ఈ సందర్భంగా సూర్య ఆ కుటుంబ సభ్యులకు హామీ ఇచ్చారు. అయితే ఇందులో ఓ అభిమాని కుటుంబంలో మగదిక్కు ఎవరూ లేరు.దీంతో ఆ అభిమాని సోదరి డిగ్రీ పూర్తి చేయడంతో తమ కుటుంబానికి ఆర్థిక భరోసా ఇవ్వడం కోసం ఆమెకు ఉద్యోగ అవకాశం కల్పిస్తామని ఈ సందర్భంగా సూర్య ఆ రెండు కుటుంబాలకు హామీ ఇవ్వడంతో సూర్య అభిమానులు మరోసారి ఆయన మంచి మనసుపై ప్రశంసలు కురిపించడమే కాకుండా చనిపోయిన తోటి అభిమానుల కుటుంబాలకు వారి ప్రగాఢ సానుభూతిని తెలియజేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి