ఇప్పుడు నిర్మాతల మండలి ఎన్నికల్లో కూడా మా అధ్యక్షుడిగా ఉన్న మంచు విష్ణు పోటీ చేసే అవకాశాలు ఉన్నాయి అంటూ ప్రచారం జరిగింది. మా ఎన్నికల తేదీ సమీపిస్తున్న నేపథ్యం లో ఆయన పదవి కాలం పూర్తి అవ్వబోతుంది.దాంతో మంచు విష్ణు నిర్మాతల మండలి వైపు వెళ్లే అవకాశాలు లేకపోలేదు అన్నారు. నిర్మాతగా చాలా సినిమా లు చేసిన మంచు విష్ణు కు సుదీర్ఘ కాలంగా మెంబర్ షిప్ ఉంది. అంతే కాకుండా ఆయన తండ్రి మోహన్ బాబు కూడా పదుల సంవత్సరాలుగా అందులో మెంబర్ గా ఉన్నాడు. ఆయన నిర్మాతల మండలి పై ఆసక్తి చూపించలేదు కానీ మంచు విష్ణు కు ఆసక్తిగా ఉంది అంటూ ప్రచారం జరిగింది.కానీ చివరి నిమిషం లో విష్ణు ఎన్నికల ఆలోచన నుండి తప్పుకున్నట్లుగా తెలుస్తోంది. అది కూడా మోహన్ బాబు చెప్పడం వల్ల తప్పుకున్నాడు అంటూ పుకార్లు షికార్లు చేస్తున్నాయి. భారీ ఎత్తున జరిగిన నిర్మాతల మండలి ఎన్నికల్లో దిల్ రాజు మంచి ఓట్లు దక్కించుకుని విజయాన్ని సొంతం చేసుకున్నాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి