ఈ సినిమా హిందీలో కూడా డబ్ అయ్యి విడుదలైనప్పటికీ ప్రముఖ నిర్మాత అల్లు అరవింద్ మాత్రం ఈ సినిమాని హిందీలో రీమేక్ చేశారు. బాలీవుడ్ నటుడు కార్తీక్ ఆర్యన్ హీరోగా తెరకెక్కిన ఈ సినిమా బాలీవుడ్ ఇండస్ట్రీలో షెహజాదా పేరుతో ప్రేక్షకుల ముందుకు వచ్చింది అయితే ఈ సినిమా బాలీవుడ్ ఇండస్ట్రీలో డిజాస్టర్ గా నిలిచింది. అప్పటికే బాలీవుడ్ డబ్బింగ్లో ఈ సినిమాని బాలీవుడ్ ప్రేక్షకులు అందరూ చూశారు. అలాంటి తరుణంలో ఈ సినిమా కోసం డబ్బు ఖర్చు చేసి చూడాలని ఎవరు అనుకోలేదు.
ఇలా కొన్ని కారణాల వల్ల ఈ సినిమా డిజాస్టర్ టాక్ సొంతం చేసుకోవడమే కాకుండా నటుడు కార్తీక్ ఆర్యన్ సినీ కెరియర్ లోనే ఈ సినిమా డిజాస్టర్ గా నిలిచిపోయింది. ఇక నిర్మాత అల్లు అరవింద్ కి కూడా ఈ సినిమా నష్టాలను తీసుకువచ్చింది.అయితే తాజాగా నటుడు కార్తీక్ ఆర్యన్ ఈ సినిమా రిజల్ట్ పై రియాక్ట్ అవుతూ చేసినటువంటి కామెంట్స్ సోషల్ మీడియాలో వైరల్ అవుతున్నాయి.ఈ సందర్భంగా కార్తీక్ ఆర్యన్ మాట్లాడుతూ ఇకపై తాను తన కెరియర్లో రీమేక్ సినిమాల జోలికి ఫోనని తెలిపారు.
రీమేక్ సినిమాలు చేయటం వల్ల రిజల్ట్స్ ఎలా ఉంటాయో తనకు ఇప్పుడు తెలిసి వచ్చిందని తెలిపారు. అయితే ఈ సినిమా చేసే సమయంలో ఆల్రెడీ హిందీలో డబ్బింగ్ అయిన సినిమాని ఎవరు చూస్తారు అన్న సందేహం తనలో కలగలేదని సినిమా విడుదలైన తర్వాత ఆ విషయంలో కళ్ళు తెరుచుకున్నానని తెలిపారు.ఇప్పటికి తన వద్దకు రీమేక్ సినిమాల కథలతో తన వద్దకు వస్తున్నారని,తాను మాత్రం ఇకపై రీమేక్ సినిమాల జోలికి పోనని ఇదే తన ఫస్ట్ అలాగే లాస్ట్ రీమేక్ సినిమా అంటూ ఈ సందర్భంగా ఈయన చేసిన కామెంట్స్ వైరల్ అవుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి