ఇక దాంతో హీరోగా పనికిరాడని , గొంతు చెండాలంగా ఉందని రకరకాల కామెంట్లు కూడా చేశారు. కానీ ఆ తర్వాత కాలంలో తన నటనతో అదరగొట్టి ఇండస్ట్రీలో స్టార్ స్టేటస్ ను సంపాదించుకున్నారు. ఇకపోతే హీరోగా మంచి సినిమాలు చేసి భారీ పాపులారిటీ దక్కించుకున్న ఈయన ఆ తర్వాత మార్కెట్ పడిపోవడంతో మళ్లీ విలన్ గా అవకాశాలను దక్కించుకున్నారు.. అలా బోయపాటి శ్రీను , బాలయ్య కాంబినేషన్లో వచ్చిన లెజెండ్ చిత్రం ద్వారా విలన్ గా మారి తన అదృష్టాన్ని పరీక్షించుకున్న జగపతిబాబు.. మళ్లీ వెనక్కి తిరిగి చూసుకోవాల్సిన అవసరం రాలేదు. ఇక ప్రస్తుతం ఎక్కువగా విలన్ రోల్స్ చేస్తూ మోస్ట్ డిమాండ్ ఉన్న క్యారెక్టర్ ఆర్టిస్ట్ గా మారిపోయారు.
ఇదిలా ఉండగా జగపతిబాబు చైల్డ్ ఆర్టిస్ట్ గా నటించాడు అన్న విషయం చాలామందికి తెలియదు. అప్పట్లో జగపతిబాబు తండ్రి రాజేంద్రప్రసాద్ కేవలం తెలుగులో మాత్రమే కాకుండా హిందీ, తమిళంలో కూడా చేశారు.అలా ఆ రోజుల్లో తమిళ స్టార్ అయిన శివాజీ గణేషన్, జయసుధ, శ్రీదేవి కాంబినేషన్లో వచ్చిన పత్తా కత్తి బైరవన్ అనే సినిమాలో బాలనటుడిగా కనిపించారు జగపతిబాబు. అంతేకాదు అంతకు ముందు తెలుగులో 1974లో విడుదలైన మంచి మనసులు చిత్రంలో కూడా బాల నటుడిగా నటించారు. ఇక అలా రెండు సినిమాలలో చైల్డ్ ఆర్టిస్ట్ గా కనిపించిన జగపతిబాబు ఆ తర్వాత చదువుపై దృష్టి పెట్టి పెద్దయ్యాక హీరోగా ఎంట్రీ ఇచ్చాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి