ఒకానొక సమయంలో అందరూ హీరోయిన్ల ఛాన్సులను కూడా ఈ అమ్మడు లాగేసుకుంది అని చెప్పాలి. కానీ ఇండస్ట్రీలో ఎప్పుడు ఎలాంటి పరిస్థితి వస్తుందో ఊహించలేం. ఒకప్పుడు వరుస అవకాశాలతో ఊపిరి సలపలేనంత బిజీగా ఉన్న పూజా హెగ్డే ఇప్పుడు ఇక అవకాశాలు లేక ఖాళీగానే ఉంటుంది. బాలీవుడ్లో కూడా పెద్దగా అవకాశాలను దక్కించుకోలేక పోతుంది ఈ ముద్దుగుమ్మ. మహేష్ బాబు హీరోగా త్రివిక్రమ్ దర్శకత్వంలో తెరకెక్కుతున్న గుంటూరు కారం సినిమాలో ఛాన్స్ దక్కించుకుంది. ఇక ఈ సినిమా సూపర్ హిట్ అయితే మళ్ళీ పూజ కెరియర్ నీ ఊపందుకుంటుందని అందరూ అనుకున్నారు.
కానీ ఊహించని రీతిలో మేకర్స్ గుంటూరు కారం సినిమా నుంచి పూజా హెగ్డేను తప్పిస్తూ నిర్ణయం తీసుకున్నారు. ఈ క్రమంలోనే మరో హీరోయిన్ ను ఎంపిక చేశారు. అయితే పూజ హెగ్డేను తప్పించడంపై నిర్మాత నాగవంశీ స్పందించారు. గుంటూరు కారం సినిమా షూట్ కి పూజ నటిస్తున్న మరో హిందీ సినిమా షూటింగ్ కి క్రాష్ అవుతుంది. పూజ డేట్స్ సర్దుబాటు చేయలేకపోయింది. అందుకే పూజ హెగ్డేను తప్పించాల్సి వచ్చింది. దీనిపై సోషల్ మీడియాలో చాలానే చర్చ నడిచింది అంటూ నాగవంశి చెప్పుకొచ్చాడు. కాగా పూజ స్థానంలో మీనాక్షి చౌదరిని హీరోయిన్గా ఎంపిక చేశారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి