అయితే 'సింహాద్రి ' చిత్రం కేవలం ఫ్యాన్స్ కి మాత్రమే నచ్చే సినిమా అని, మామూలు ఆడియన్స్ లో ఆ చిత్రానికి పెద్దగా క్రేజ్ లేదని, అందుకే రికార్డు పెట్టలేకపోయామని ఎన్టీఆర్ ఫ్యాన్స్ చెప్పుకొచ్చారు. 'అదుర్స్' చిత్రం చిన్న పిల్లల దగ్గర నుండి పెద్దవాళ్ళ వరకు అశేష ప్రేక్షకాదరణ దక్కించుకున్న చిత్రం అని, ఈ సినిమా తో ఎవ్వరూ ముట్టుకోలేని రికార్డ్స్ ని నెలకొల్పుతాము అంటూ ఎన్టీఆర్ ఫ్యాన్స్ సవాలు చేసారు. అనుకున్నట్టుగానే 'అదుర్స్' చిత్రాన్ని 4K కి మార్చి, ఈ నెల 18 వ తారీఖున రెండు తెలుగు రాష్ట్రాల్లో గ్రాండ్ గా రీ రిలీజ్ కి ప్లాన్ చేసారు. కచ్చితంగా రికార్డు పెడుతుంది అనుకున్న ఈ సినిమా అడ్వాన్స్ బుకింగ్స్ చూసి అందరూ షాక్ కి గురి అయ్యారు. ముఖ్యమైన సిటీలలో కూడా ఈ చిత్రం అడ్వాన్స్ బుకింగ్స్ టికెట్స్ ముందుకు కదలకపోవడం అందరినీ షాక్ కి గురి చేసింది. ప్రస్తుతం ఉన్న ట్రెండ్ ప్రకారం చూస్తుంటే ఈ సినిమాకి కనీసం 20 లక్షల రూపాయిల గ్రాస్ వసూళ్లు కూడా వచ్చేలా లేదని అంటున్నారు.ఈ చిత్రం 4K కి మార్చడానికి దాదాపుగా 20 లక్షల రూపాయిలు ఖర్చు అయ్యింది. ఆ తర్వాత పబ్లిసిటీ చెయ్యడానికి మరో 5 లక్షల రూపాయిలు ఖర్చు అయ్యింది. బ్రేక్ ఈవెన్ మార్కు ని అందుకోవాలంటే కనీసం 40 లక్షల రూపాయిల గ్రాస్ వసూళ్లు రావాలి. 20 లక్షల రూపాయిలు వచ్చే ఛాన్స్ కూడా కనిపించకపోవడం తో నష్టం భారీగానే ఉంటుందని అంచనా వేస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి